Eri reqa’lenelab’ ri Wokajil Ajchajil Tinamit (PNC), xkib’an k’i taq tzukunik pa taq we q’ij ri’ rech pa le kachajixik ri winaqilal xuquje’ rech q’alanem q’atenik ri k’ax rumal ri’ xb’antaj kowonem xechapatajik e 122 chi winaqib’ rumal taq k’i b’anoj k’ax xkib’an pa qatyinamit. Xuquje’ xriqitajik jo’lajuj (15) chi rajilab’al chi k’aqb’alil pa juntir rulewal tinamit ruk’ jun kejach’ich’ xrqitaj ri’ kab’iik are eleq’am b’i.
Eri q’atb’al tzij xkib’ij che pa le b’anoj tzukunem chajinik pa amaq’il ri’ k’o jun elaq’om xch’ob’otaj uwach xchapik are ub’i’ a Byron Alberto López Bravo, 47 ujunab’, pa le 15 calle xuquje’ avenida Elena, zona 3 rech uk’u’x nimatinamit. pa le tzukunem ri’ xriq jun k’aqb’al ruk’ waqib’ ub’aq’ ri utz kakojik.
Eri a López Bravo k’o keb’ umak b’anoj k’ax ub’anom pa 2012 xuquje’ k’o ch’ujirem xib’inik xub’an chi ke ri winaqilal pa tinamit pa 2016. Xuquje’ eri winaqil xkiya loq ub’ixik che are xreleq’aj kijastaq ri winaqil chi la’ k’ut.
Eri winaqib’ e are xetob’anik rech xkiya loq ub’ixik pa le ch’aweb’al 110 rech ri PNC xuquje’ pa le 1561 kuk’ ri ajq’atenel ajb’anol ri k’ax Crime Stoppers. Eri tob’anik xya chi ke ri wokajil ajchajinelab’ pa tinamit chi ke ri winaqilal are la’ qas k’o nim upatanib’al xub’an ri’ rumal k’u ri’ xb’antaj kowonem xeq’atexik ri e ajb’anol ik’ax pa qatinamit.