Eri reqa’lenelab’ ri Wokaj Ajchajin Tinamit (PNC) xkib’an taq puqtzukunem chajinik pa taq nimab’e rech uq’atexik taq b’anoj k’ax ri’, rech kakichajij ri winaqil k’ut, xuquje’ rech kuya’o uchuq’ab’ ri b’anoj chajinem rech uq’atexik taq k’ax ri’, rech kechajixik ri winaqilal xuquje’ rech k’o ya’olchajinem pa qatinamit. E pa k’isb’al q’ij ri’ xb’antaj kowonem xechap e 117 chi winaqilal ri’ rumal jalajoj ri kimak kib’anom, chi la’ k’ut xriqitaj wi loq job’ chi k’aqb’al q’aq’ xuquje’ oxib’ chi ch’ich’ e b’insam ri k’ab’ixik e’elaq’am b’i.
Sib’alaj kaya utzijol eri jun puqtzukunem are xb’an pa le kilómetro 102 rech ri nimab’e kab’e pa le puerto San José, Escuintla, chi la’ k’ut xchap wi loq a Fernando N, 51 ujunab’, xuquje’ a Kevin N, 37 ujunab’ are kab’ixik reqam b’i jun pisob’al ruk’ ri cocaína, eri rajil are Q102,241. Xuquje’ xriq lo keb’ chi ch’aweb’alib’al ri xk’am b’i rech kaq’alajisax utzijol pa juntir ri’.
Pa le 15 avenida final, colonia Jocotales, zona 6 aj iximulew, chi la’ k’ut xb’antaj wi kowonem xechap nik’aj b’anol k’ax e’ajtoq’inel pwaq rajil ri’, rumal ri’ xchap loq a Héctor N, 33 ujunab’; a Cristian N, 18 ujunab’; xuquje’ a Henry N, 27 ujunab’; e’uwinaqil ri jun molaj b’anol k’ax clica “Crazy Rich” rech ri Pandilla rech ri Barrio 18 ri’. Eri nik’aj winaq ri’ xeriqitajik are chi’ e k’o che usik’ik uk’amik Q7,500 chi rajil pwaqil, are nab’e tojb’al pwaq ri sib’alaj xkitoq’ij rech Q15,000, ri xkitoq’ij che jun ajk’ayinel chi’.
Pa le b’anoj tzukunem ri’, eri wokajil ajchajin tinamit sib’alaj xkiriq jun pisob’al b’anom chech chi k’o ri pwaqil rajil chi upam xuquje’ ruk’ kajib’ chi ch’aweb’alib’al ri’. Eri nik’aj winaq ri’ kab’ixik xek’am b’i pa q’atb’al tzij rech kakoj tojb’al kimak ri k’ax xkib’ano.