Eri reqa’lenelab’ ri Departamento rech Tránsito rech ri Wokajil Ajchajin Tinamit (DT-PNC) xkikoj 387 chi tojob’al chi ke ajb’insal taq ch’ich’ rumal keqam ta kiwujil, ri keqam taj tob’al kijolom, xuquje’ rumal sib’alaj karach’ich’ uqul kiranch’ich’, ruk’ nik’aj chik k’ax xub’an chi re ri Taqanem rech Tránsito ruk’ ri retanib’al b’anoj nimanik. Eri tojob’a ri’ are xkoj ri’ pa taq ri puqtzukunem xb’an pa taq chaq’ab’ xuqje’ pa le chajinem xb’an pa taq ri nimab’e pa k’isb’al wuqq’ij kanoq pa k’olib’alil rech ri uk’u’x nimatinamit xuquje’ pa nimab’e rech kab’e El Salvador ri’.
Eri wokajil ajchajin tinamit rech chajinem pa nimab’e xuquje’ xkita kitzijol kiwujil e 485 chi winaqilal rech xkilo we k’o pa uq’ijol ri’ xuquje’ wexa’ e k’o winaq taqom kichapik. Xuquje’ xkisolij 384 chi ch’ich’ rech kaq’atexik uq’axik awan jastaq rech xkilo we man k’o eleq’am chi re taq. Rumal ri’ e k’o oxib’ winaq xechapatajik, k’o job’ chi wujil xchap kanoq, xuquje’ e k’o oxib’ chi ch’ich’ xeriqitaj ri’.
Eri nik’aj k’olib’al tzukunem chajinik ri’ are pa le xb’an wi rilik janipa’ kerumumik ri b’insan ch’ich’ e’ajb’insal taq ch’ich’ ri’ rech kilik we kakiya uwi ub’insaxik ri’, jeri’ xb’an retaxik we katijom tzam ri e’ajbinsal taq ch’ich’ ri’ we e q’ab’arel e b’enaq pa le b’insan ch’ich’ pa taq nimab’e pa taq ri nimaq’ij ri’.