Pa utaqanik wokom k’amal b’e tinamit ri’ sib’alaj tajin ri b’anoj toq’inik pwaq ri’ kumal rajtzukunelab’ ri comisarías xuquje’ ri unidades especializadas rech ri Wokajil Ajchajil Tinamit (PNC) rech kaq’atexik ri molaj e’ajtoq’inel pwaq, ri pandillas, ri e’ajesal kiwach b’anol k’ax xuuquje’ ri nuk’molaj b’anol k’ax pa rulewal tinamit.
Eri wokajil ajchajin tinamit e k’o 1,026 chi e’ajtoq’inel pwaq xkichap loq, kuk’ taq ri pandilleros xuquje’ e’ajesal kiwach b’anol k’ax, pa junab’ ri’. Konojel ri e chapom chik, e k’o 426 e chi achijab’ e chapom xuquje’ e 600 chi ixoqib’ e chapom.
Eri e k’isb’al xechapik e are ri’ al María N, 26 ujunab’, pa rokib’al ri Granja de Modelo rech Rehabilitación Canadá, k’o pa Escuintla ri’. Eri jun ixoq ri’ are taqom loq uchapik rumal jun Q’atb’al tzij rech Chiquimula, rumal xub’an toq’inik pwaq ri’. Eri e’ajchajin tinamit xuquje’ xkichap loq a Erick N, 36; chi rij ri jun umak ri’ ub’anom xchapik, pa le 23 calle xuquje’ 2ª avenida, zona 6 rech uk’u’x nimatinamit.
Are wa’ tajin juntir utzukuxik uwach kumal ajchajin tinamit pa taq ri nimab’e ri’, rech pa kachajixik ri winaqilal xuquje’ pa taq ri okib’al pa rachoch taq japache’ tz’apib’al pa tinamit.
Eri q’atb’al tzij xkib’an jun kasik’ixik ri winaqilal rech kakib’ij loq wexa’ k’o b’anoj k’ax kakilo kab’anik ri’ rech kakib’ij loq pa 110 rech ri PNC, xuquje’ pa 1574 rech antiextorsiones. Eri jujun taq b’iw b’ixik loq are kak’ul kumal ri e’ajchak sib’alaj xetijoxik rech pa aninaqil kakichomaj ri b’iw b’ixik loq kumal ri winaqilal ri’.