Pa taq puqtzukunem ri’ xb’an rumal ri División Especializada rech Investigación Criminal (DEIC) rech ri Wokajil Ajchajil Tinamit (PNC), xechapik e kajib’ chi elaq’omab’ ri’, are chi’ xeriqitajik xriq pwaq kuk’. Eri b’anoj puqtzukunem are xb’an chi rij ri jun molaj b’anol k’ax kasmisanik are ri’ kab’ixik kub’an ri k’ax pa jalaoj taq k’olib’emal pa Uk’u’x Nimatinamit rech Iximulew ri’.
Eri tzukunem chi rij ri’, eri nik’aj winaq ri’ e’are kakeleq’aj ri ch’ich’ ruk’ ri b’anoj taq elaq’ chi ke taq ri ch’ich’ jeri’ chi ke ri winaqill keb’inik ri’, pa taq le calzada Roosevelt xuquje’ pa le avenida Reforma. Xuquje’ jeri’ pa taq ri zonas 1, 4, 9, 10 xuquje’ 11 reh ri uk’u’x nimatinamit.
Eri nik’aj winaq xechapik, xch’ob’otaj kuwach e’are k’ut: a Franklin N, 37 ujunab’, ri xchap pa le zona 1; a Heber N, 42 ujunab’, xchap pa Ciudad Quetzql, pa San Juan Sacatepéquez; a Andy 22 ujunab’ xuquje’ a Carlos 22 ujunab’, ri xechap pa nimab’e rech ri colonia Betania, zona 7. Are kab’ixik e’are xkib’an ri k’ax pa molajil xuquje’ xikib’an ri k’ax elaq’nik, rumal ri’ xtaq kichapik rumal ri Q’atb’al tzij ri Tzukun kech ri’ rech ri uk’u’x nimatinamit.
Pa taq le tzukunem xb’an pa jun nimaja chi ke ri’, k’o pa le Montserrat II, zona 4 rech Mixco, eri q’atb’al tzij xkiriq k’ut Q.309,900 chi pwaqil ri’ ruk’ nik’aj pasil rech taq ri pisom rech pwaqb’al ja k’olme’r ri’. Eri pwaq xriq ri’ are tajin usolwachixik uwach rech kach’ob’ik jas le upetib’al ri nik’aj b’anoj k’ax ri’.
Ruk’ ri kachapik ri’, sib’alaj e k’i chik ri e chapom pawe junab’ ri’ xuquje’ are wa’ jun nim kaq’atexik b’anom nik’aj molaj b’anoj k’ax elaq’ chi ke taq ri winaqil pa tinamit. Eri PNC sib’alaj xub’ij ch eri uchak patan ri’ are ri b’anoj ya’olchajinem xuquje’ rech pa le kachajixik ri kimeb’ilal ri tinamit winaqil xuquje’ ruk’ wa’ ri b’anonem ri’ are rech kaqaya uchuq’ab’ ri chajinem pa tinamit ri tajin ya’ik uchuq’ab’ ub’anik rumal ri Ministerio rech Gobernación, pa le kaq’atexik ri molaj b’anol k’ax.