Eri reqa’lenel ri Wokajil Ajchajil Tinamit (PNC) xkiya utzijol chi e k’o kajib’ elaq’omab’ xkichap pa le 31 avenida xuquje’ 6ª calle, colonia Centroamérica, zona 7 uk’u’x nimatinamit ri’.
Paq’ij miércoles ri’ eri reqa’lenel chajin tinamit xya’taj ub’ixik chi ke chi k’o jun elaq’ b’anoj k’ax tajin pa jun ch’ich’ rech ereb’al winaq ri’ rumal k’u ri’ pa aninaqil xechap loq nik’aj b’anol k’ax ri’.
E are k’ut ri’: a Richard Fernández García Guancin, 23 ujunab’, kab’ixik k’o keb’ b’anoj k’ax ub’anom ri’ rumal kutij awan kunab’al xuquje’ rumal okinaq pa kachoch winaq ri’; rumal ri’ xchapataj a Bryan Steven Revolorio Ramírez, 18 ujunab’, a Luis Eduardo Valladares Larios, 23 ujunab’, ri k’o keb’ umak b’anoj k’ax ub’anom ri’ ri ch’ayonem xuquje’ xib’in winaq xub’ij chi ke che ke’ukamisaj ri’ xuquje’ a Víctor Manuel Martínez Cosigua, 19 ujunab’.
Kuk’ nik’aj b’anol k’ax ri’ xriqitaj jun k’aqb’al ruk’ kajib’ ub’aq’ utz kakojik, jun k’aqb’al caravina rech 2.22 ruk’ keb’ k’olib’al ub’aq’ rech 30 ub’aq’ ri jujun ri’, k’o uwujil rech keqaxik rech jun chi ke ri winaq e ajb’inisaxel pa le ch’ich’ ereb’al winaq ri’, lajuj chi ch’aweb’al rech eqam, jun radio rech eqam xuquje’ oxib’ mochilas ri’.
Eri nik’aj xechapataj ri’ xek’am b’i pa q’atb’al tzij ri’.