Pa taq ri tzukunik xb’antaj kumal ri reqa’lenelab’ ri Wokajil Ajchajil Tinamit (PNC) pa keb’ q’ij xq’axik pa tinamit, xb’antaj kowonem xechap e kajk’al waqxaqib’ (88) chi winaqil rumak xkib’an jalajoj taq b’anoj k’ax ri’, k’o waqxaqib’ chi k’aqb’alil xriqitajik, jeri’ k’o jun ch’ich’ xriqik ri kab’ixik xa’ eleq’am b’i.
Pa jun tzukunem ri’ xchap wi jun achi ub’i’ a Joel Ottoniel Chiquirín Chanchavac, 34 ujunab’, pa le 3a. avenida xuquje’ 5a. calle, zona 4 rech Ciudad Vieja, Sacatepéquez ri’. eri jun achi ri’ are kab’ixik xub’an k’i taq b’anoj k’aqanik ruk’ uk’aqb’al maj usuk’al ucholaj ri’.
Pa le tzukunem ri’, eri wokajil ajchajil tinamit xkiriq k’ut jun k’aqb’al, oxib’ k’olib’al uba’q’ k’aqb’al rech utz kakojik. Eri ch’ich’ xsolixik ruk’ ri placas rech kab’inisaxik P 772FKZ, pa le xchap wi jun achi ri’, ri k’o jun raqarik k’aqb’al nojinaq chi ub’aq’ xriq ruk’ ri’.
Eri riqonem ri’ are wa’ kuq’alajisaj ri chak tajin rumal ri K’amal B’e iximulew pa le reqele’n ri Ministerio rech Gobernación (Mingob) pa le chajinem chi ke ri winaqib’ ruk’ ri kijastaq meb’il, jeri’ are rech tik’ib’am ri b’anoj chajinem pa tinamit, rech k’o pa ujikomal ri q’atanem taqanik xuquje ri ya’olchajinem winaqil pa tinamit.