Are chi’ xb’an xetax uwach ri’ kumal ri’ q’atb’al tzij rech ri Ministerio rech Gobernación, kimik qas xya’taj ub’ixik ri nab’e taq k’exnem xb’an pa taq le k’amoj ub’e ri Wokajil Ajchajin Tinamit (PNC) ruk’ ukojik ri k’ak’ ri Nim K’amal B’e xuquje’ rech ri Subdirector General rech Investigación Criminal ri’. Eri b’anowem rech xya ri keqale’n ri k’ak’ taq q’atb’al tzij xb’an chi la’ pa le nimrachoch ri PNC, ri k’amatil uwach rumal ri Ministro rech Gobernación Marco Antonio Villeda ri xe’ukoj che keqale’n ri k’ak’ e’ajtaqanelab’ ri’. 

Pa le b’anowem ri’, eri Ministro Villeda xukoj che reqale’n ri Héctor Noé González Prera rech Director General Adjunto xuquje’ ri a Macario Cornel Santos ri xok che Subdirector General rech Investigación Criminal ri’. Pa le riqonem ib’ xuquje’ xek’oji ri Viceministro rech Seguridad, Estuardo Roberto Solórzano ri’; ri Director General rech ri PNC, David Custodio Boteo; jeri’ ri subdirectores, comisarios kuk’ ri e’ajtaqanelab’ rech ri wokajil ri’. 

“Eri Wokajil Ajchajin Tinamit rajawaxik kukub’isaj kik’u’x ri winaqilal, rech pa k’ub’al k’u’x ke’opan ri winaqil ri’ rech kub’al k’u’x xuquje’ suk’ilal ke’opan ri’. Eri qachak ri’ are rech kaq’atexik ri b’anoj k’ax elaq’ pa taqawokajil xuquje’ rech ya’ik uchuq’ab’ ri kichak ri e’ajchajin tinamit. Eri eqa’lenelab’ sib’alaj rajawaxik kakikoj ri katz’iyaqb’al ronojel kanima’ xuquje’ pa ronojel rutilal ri’”, xcha’ ri taqawokajnel rech ri Gobernación ri’. 

Eri Ministro Villeda xub’ij eri k’exnik xb’an ri’ are kunimaj uwach ri retab’axik ri rutzilal chak b’anom pa taqawokajil ri’, rech ya’ik uchuq’ab’ ri b’ano taqanem ri’ xuquje’ rech kuwa’lisax ri nim rutzilal ri PNC ri’, rech pa saqilal xuquje’ rech kek’oji chi kinaqaj ri winaqilal ri’.
Ruk’ ri kokik ri k’ak’ taq ajtaqanelab’, eri Ministerio rech Gobernación sib’alaj kukub’isaj ub’ixik are kub’an ri chak rech kuwa’lijsaj uwach le jun k’ak’ Wokajil Ajchajin Tinamit ri’, rech kub’an b’a’ ri chajinem winaqilal xuquje’ ri Estado de Derecho ri’.