Eri reqa’lenel ri Wokajil Ajchajil Tinamit (PNC) k’ate xkib’an ri chajinem tzukunik pa tinamit ri’ rech uq’atexik ri b’anoj taq k’ax pa rulewal ri tinamit. Pa le b’anoj taq tzukunem xkib’ano xekowonik xkichap loq e kak’al jo’lajuj chi winaqil, ri k’o jalajoj kimak kib’anom.
Xuquje’, xya utzijol chi k’o b’elejeb’ chi k’aqb’alil maj uwujilal xkiriq loq, jeri’ e k’o kech’ b’insal ch’ich’, kajib’a kejach’ich’ e elaq’am b’i xkiriq loq.
K’o ri jun puq chajinem tzukunik xb’antajik ri xb’antaj kowonem xchap loq jun uwinaq ri Pandillas rech ri Barrio 18, ub’i’ a Gerardo Hernández, 34 ujunab’, kab’ix “Chiquito xuquje’ Tazmania”, chech ri are, pa le parqueo rech ri Hospital Roosevelt, k’o pa zona 11 rech uk’u’x nimatinamit. Eri jun achi’ ri’ are kab’ixik xraj xuk’aq jun winaq ajpache’ are chi’ kariqitaj pa le nimaja rech kunanem ri’; xuquje’ ri sib’alaj chajital kumal rajchajinelab’ ri Sistema Penitenciario (SP) ri’.
Durante el operativo, las fuerzas policiales decomisaron un arma de fuego, un cargador, 13 municiones útiles y un dispositivo móvil que será sometido análisis Pa le puqchajinem tzukunik, eri wokajil ajchajin tinamit xkik’ut jun k’aqb’al, jun b’ilib’al rech, ruk’ oxlajuj chi ub’aq’ k’aqb’al ri utz kakojik xuquje’ ruk’ jun ch’aweb’al eqam, ri xpis b’i kumal ri q’atb’al tzij rech kab’an utzukuxik juntir utzijolil. Xuquje’ k’o jun b’insal ch’ich’ ruk’ ri placas ri’ P-420FSC, ri ub’inisam b’i ri jun b’anol k’ax are chi’ xopan che ub’anik k’ax chi re ri achi pa le hospital ri’, man xkowon taj k’ut, rumal pa aninaqil xchap kumal ri e ajchajil tinamit.
Are chi’ xb’an le rilik utzijol pa le PNC, xch’ob’ik ri jun b’anol ub’i’ “Chiquito o Tazmania” kab’ixik, taqom k’ut uchapik rumal ri q’atbal tzij rumal kunimaj taj ri Q’atb’al tzij rech Villa Nueva. K’a pa 2012 pawe q’ij kamik, eri jun winaq ri’ xq’alajinik k’o oxib’ umak ub’anom rumal reqaxik k’aqb’al maj uwujil ri’, che ri kakikoj ri Ejército rech Iximulew xuquje’ rumal reqam awan kunab’al rech kuk’ayij. kutijo.
Eri k’ate xb’antaj kumal ri ajchajil tinamit are rumal xkiya loq ub’ixik ri winaqilal, ri xkib’ij loq chke ri reqa’lenel ri Comisaría 14 rech ri PNC chi k’o jun achi b’anol k’ax rilik k’o pa le jun b’insal ch’ich’ chi uwach ri kekunax wi winaq pa aninaqil. Eri komon chajinik kumal ri wokajil ajchajil tinamit, ri chajin winaqilal are ri nim upatanib’al rech kaya uchuq’ab’ ri b’anon chajinem xuquje’ ri q’atenik b’anoj k’ax kuk’ taq ri e kamisanelab’.