Eri reqa’lenel ri Comisaría 13 rech ri Wokajil Ajchajil Tinamit (PNC) xkichap keb’ b’anol k’ax e ajk’ayil awan kunab’al ri’ awan kunab’al ri’ paq’ij domingo ri’ pa tzukunem xb’an kumal ri e ajchajil tinamit.
Rumal ri’ xb’antaj kowonem xechapik nik’aj winaq kib’i’ a Wine Mitchell Luther Alfaro xuquje’ a Mynor Francisco Pérez Sicán, ri kab’ixik e b’enaq chi rij jun kejach’ich’ ri’ M-40HML. Eri a Pérez Sicán ri rachi’l jun chik ri xub’an ri elaq’. Ri xkinimaj taj are chi’ xeq’atexik.
Are chi’ xe’oqatexik oxib’ kilómetro ri’, te k’u ri’ xb’antaj kowonem xechapatajik kumal ajchajil tinamit pa le kilómetro 14 pa nimab’e kab’e El Salvador, Santa Catarina Pinula, Iximulew ri’. xriqitaj jun mochila ruk’ 40 chi nitz’ taq pisob’al ruk’ marihuana ri’, keb’ perajil ruk’ 15 chi ab’aj kunab’al rech crack, 8 chi k’olib’alil ruk’ cocaína, 15 nitz’ taq k’olib¿al ruk’ marihuana, jun k’olib’al ruk’ awan kunab’al xuquje’ keb’ chi ch’aweb’al.
Eri xechapataj ri’ xek’am b’i pa q’atba’l tzij chi rij ri k’ax xkib’ano.
Ri xechapik ri xriqitaj ri’
Pa k’isb’al we q’ij ri’, eri reqa’lenel ri PNC xkitzuj loq che xechap e 54 chi winaqib’, e k’o 23 chi ke e aj pa nimatinamit xuquje’ eri 32 chik e aj pa taq tinamit. Jeri’ k’o 7 chi k’aqb’alil xriqitajik xuquje’ keb’ ch’ich’ ruk’ jun kejach’ich’ ri’.