Pa le tzukunem xb’antaj kumal ri reqa’lenel ri Subdirección General rech Investigación Criminal (SGIC) rech ri Wokajil Ajchajil Tinamit (PNC) k’a xsaqar k’ut we kamik, pa le tinamit rech San Pedro Ayampuc, pa rulewal tinamit Paxil ri’ chi’ xb’ixik xechapataj loq keb’ winaq kab’ixik e kamisanel xkiwaj kib’ chi’.
Eri b’anoj tzukunem ri’ are xb’antaj rumal ri División Especializada rech Investigación Criminal (DEIC) rech ri Sección contra homicidios ri’, k’o keb’ b’anoj tzukunem xkib’an pa jun nimaja, rech xkisolij upam ri’ xuquje’ rech xkimol k’ut q’alajisab’al rech ri keleq’axik wina b’anom chi’ pa taq le Colonias Rio Azul xuquje’ pa le Lomas rech San José ri keb’ wokja ri’ rech pa rulewal tinamit San Pedro Ayampuc ri’.
Pa jun chi ke ri nimaja chi’ xchapataj wi loq a Néstor Alexander Rodríguez García 22 ujuanb’, kab’ixik eri umak ri’ xa’ xuwajo rib’ xuquje’ xraqataj keb’ chi’ch’a’wib’al ruk’ rech keqaxik, kub’ tarjetas SIM xuquje’ jun rachib’al uwuj ri jun k’aqb’al reqam ri’.
Pa le ukab’ ja k’olib’al xchapataj wi loq a José Rodolfo López Álvarez 22 ujunab’ kab’ixik eri umak are b’anoj kamisanik, k’o jun ch’a’wib’al xraqataj loq ruk’.
Eri nik’aj b’anol k’ax ri’ kab’ixik are xkikamisaj jun achi 34 ujunab’ ri are xraqatajik pa viernes 28 rech febrero rech pa junab’ ri’ ri xraq ri pa le Kilómetro 14 Nimab’e kab’a pa San Pedro Ayampuc pa le rokib’al ri Colonia San Luis, pa jun ch’ich’ ri’ k’o oxib’ sakom wi ruk’ k’aqb’al cho wa uk’ux’ xuquje’ jun chik pa utalak’ ri’.