Pa le puqchajinem tzukunik kumal ri reqa’lenel ri Wokaj Ajchajinelab’ e Q’atenel ri Pandillas (Dipanda) uq’ab’il ri Wokajil Ajchajil Tinamit (PNC), paq’ij kamik e k’o keb’ winaq xkichap ri’ rumal xkib’an b’anoj k’ax ri’.
Pa jun tzukunem xb’anik xchap wi jun achi ub’i’ a Manuel Antonio Flores Orellana, 46 ujunab’, chi uwach ri Centro de Salud ri’ k’o pa le nimab’e kab’e pa San Felipe de Jesús pa le Antigua Guatemala, Sacatepéquez ri’.
Eri tzukunelab’ rech Dipanda xkib’ij che ri jun achi ri’ are taqom uchapik pa le 12 rech abril rech pa junab’ ri’ rumal xreleq’aj uwach tzijol wujilal, rumal xok’owisan Tzij xuquje’ xub’an taqanatzij man rech ta upatan ri’.
E pa tinamit ri’ pa le 1ª. calle xuquje’ 5ª. avenida chi uwach rajilab’ ri nimaja 5-10 zona 4 rech uk’u’x nimatinamit Iximulew, chi la’ k’ut xchapataj wi jun achi ub’i’ Oscar René Rosales Álvarez, 39 ujunab’, ri xa’ xtaq loq uchapik pa le 23 rech marzo rech 2023, rumal xub’an kamisanik ri’.