Rumal xterne’xik b’iw b’ixik kumal winaqil, pa le barrio Dos de Abril, Asunción, Mita, Jutiapa, xchap wi loq a Vícto “N”, ri 37 ujunab’, are kab’ixik xriq keb’ k’aqb’al q’aq’ ruk; are jun carabina calibre 3.8 xuquje’ jun mini Uzi calibre 9mm, job’ b’ilob’al xuquje’ ruk’ 170 k’aqb’al q’aq’ ri maj uwujil. Are taq la’ xukoj che kaxib’ixik ri winaqilal chi la’, are chi’ xurilo xeo’pan ri e’ajchajin tinamit, xumin rib’ pa jun ja k’olib’al ri xe’uxib’ij ri e’ajchoq’e ri nimaja ri’, rumal k’ut pa aninaqil xchapataj ri’ xuquje’ eri winaqil utz kiwach xe’esax chi la’.
Pa le nab’e q’ij rech julio rech pa junab’ ri’, e chapom chik pa uq’ab’ tinamit ri’ e keb’ b’anol k’ax keqam k’aqb’al q’aq’ ri’ maj uwujilal ri’.
Eri kaq’atexik ri’ are la’ xb’antaj kumal ri reqa’lenelab’ ri wokajil ajchajin tinamit rech e k’o che kachajixik ri winaqilal ri’, rech ya’ik uchuq’ab’ ri chajinem xuquje’ uq’atexik pa rulewal tinamit ri’.
Eri q’atb’al tzij xkib’ij ri’ che are wa’ k’o upatanib’al ri b’iw ub’ixik loq kumal ri winaqil xuquje’ are rajawaxik kaya loq ub’ixik kitzijol ri ajb’anol k’ax pa taq le ch’aweb’al ri’. Pa le 110 rech ri PNC, pa le 1531 rech Centro Anticorrupción Policial, xuquje’ pa 1561 rech Crime Stoppers, rech chi paq’ij chi chaq’ab’ ri’.