Pa 22 rech we ik’ diciembre, eri reqa’lenelab’ ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC) xkib’an k’ut k’i taq chajinem tzukunik pa le nimatinamit Iximulew, rumal ri’ xechap e oxib’ chi winaqil xuquje’ k’o ri marihuana xriqitaj ri’.
Eri q’atb’al tzij rech ri SGAIA xkiya loq ub’ixik xkoqataj nik’aj winaq e b’enaq pa jun ch’ich’ picop P 020HRZ ri’ are chi’ xrajtaj xtak’ab’ik are chi’ xkiq’atij, xa’ xkanimajik chi kuwach, rumal ri’ xekowon che kaq’ateik pa jun parqueo rech jun centro comercial k’o pa le calzada Aguilar Batres, zona 11 rech uk’u’x nimatinamit.
Pa le koqatexik xkib’an ri ajchajil tinamit chi ke nik’aj b’anol k’ax ri’ kib’i’ a Aníbal José Manuel Berduo Ixcamparic xuquje’ Alder Steve García Ramírez, xkiriq kuk’ kab’lajuj (12) chi pisom ri marihuana xuquje’ ri cocaína ri’, ruk’ kajib’ chi ch’aweb’alil. Eri awan kunab’alil xriqik k’o Q15 mil 780 chi pwaqil ri’.
Xuquje’ xchapik
Pa San Lucas, Sacatepéquez, xchap wi a Kevin Alberto Ranero García, 29 ujunab’, kumal reqa’lenel ri SGAIA ri’ chi’ k’u ri’ xesax ri jun b’inisal ch’ich’ P 205KCF kuk’, ruk’ kajib’ (4) chi pisom marihuana, keb’ ch’aweb’al xuquje’ ruk’ Q660 chi pwaqil.
Nik’aj xriqik
Pa le 7ª calle 8-47 zona 5 de Villa Nueva, Iximulew, eri reqa’lenel antinarcótco ri’ pa komon q’atenik kuk’ ri Unidad Especial rech Investigación (UEI) xkiriq k’i taq pisom rech awan kunab’alil ri are la’ xq’alajib’ chi are ri’ cocaína ri’.