Pa le Club’ rech Oficiales rech ri Wokajil Ajchajin Tinamit (PNC) pawe q’ij kimik xkib’an ri kigraduación ri e lajuj xe’okche comisarios generales ri’, pa jun ilob’anem rech pa le nim ya’ik uchuq’ab’ ri k’amoj ub’e ri chakunem pa le kib’anikil ri oficiales superiores rech ri wokajil ajchajin tinamit.
Eri nik’aj oficiales superiores ri’, xkik’iso katijoxik kib’ rech pa nim uwach tijonem chi ke ri xnajtib’ waqib’ ik’ ri’, rech xetijoxik chi rij uk’amik ub’e ri chakunem pa le wokajilal ri’, rech b’anon cholchajinem, rech b’anoj chomanem xuquje’ rech b’anoj ri kilik rajchakunel ri wokajil ri’, are la’ retalil rech utz kakib’an che ri kichak pa le nim keqale’nib’al pa le taqawokajil ri’.
Xuquje’ kaya ub’ixik reqa’lenem kichak ri k’ak’taq ajtaqanelab’ ri’ ruk’ ub’antajil saqilal, suk’ilal, nimantzij xuquje’ rech ronojel kanima’ kechakun kuk’ ri winaqilal pa tinamit. Eri kichak ri’ are la’ rech kuya nim uchuq’ab’ ri b’anonem chajinik xuquje’ rech uq’atexik ri k’ax. Pa le ya’ik eqa’lenem ri’ xkoj chi ke ri’ ri k’ak’ retalil taq ri keqale’nib’al ri’.
Pa le b’anon kigraduación ri’ eri ministro rech Gobernación Marco Antonio Villeda, sib’alaj xub’ij che ri “ub’anikil kitzijol ri k’ak’ comisario general ri’ ri k’o uwi katijob’alil pa le b’anoj ya’olchajinem ri’, pa le chajinem winaqil xuquje’ ri ya’olchajinik pa amaq’ tinamit”.
Xub’ij k’ut che ri b’anoj chajinem ri’ man xaq ta rech kab’anik; are rech kakik’am kib’e ri puqilem xuquje’ ri ub’ixikil ri b’anon chak ri’ rech katik’ib’axik ri taqanib’al ri’. Xuquje’ xub’ij che ri xketa’maj ri’ are rech kakib’an utz kachajixik ri winaqilal ri’.
Rumal k’u ri’, eri K’amal B’e rech ri PNC David Custodio Boteo, xub’ij: “pawe q’ij kimik xb’antaj kowonem ruk’ ub’anik jun nimalaj tijoninem rech reta’mab’al chajin tinamit. Pa le raq’ansaxik uwach ri’, are la’ rech jun nim utoq’axik ri’ xuquje’ jun nim b’anoj unimaxik”.
Ruk’ ri graduación ri’, eri PNC kukub’isaj ub’anik uwi katijoxik ri e’ajtaqanelab’, rech ya’ik uchuq’ab’ ri b’anon k’amal b’e taqanik ri’ rech utz le rilik pa saqilal ri b’anoj k’ak’ub’anikil ri’, rech nimantzij xuquje’ rech ajeqa’lenem ub’anik pa le kapatantexik ri winaqilal kab’an ri’.
Pa le xb’antajik are jun xk’oji ri viceministro rech Seguridad Roberto Solórzano ri’, ri ajtaqanel rech chajin tinamit kuk’ ri winaqilal e sik’om ri’.