E rajchajinelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap loq nik’aj ajk’ayin awan kunb’al, pa taq ri tzukunem xb’an pa taq k’olib’alil rech Iximulew, pa Sacatepéquez, Retalhuleu, Suchitepéquez, xuquje’ Santa Rosa ri’. Eri katzukuxik ri’ are xb’an ruk’ katob’anik ri q’atol tzij chi la’.
E’are wa’ ri e kab’lajuj chi ajk’ayinel awan kunb’al xechapik, e’are k’ut a Eulogio N, 36 ujunab’, a Elmer N, 34 ujunab’; a Jeison N, 27 ujunab’; a Carlos N, 20 ujunab’; al Génesis N, 22 ujunab’; al Ingrid N, 53 ujunab’; a José N, 24 ujunab’; al María N, 27 ujunab’; a Jonathan N, 28 ujunab’; jun ub’i’ Yakson N, 25 ujunab’; a Abraham N, 22 ujunab’; xuquje’ jun chik ub’i’ Liuke N, 18 ujunab’.
Eri wokaj ajq’atenel taq awan kunb’al xkiriq k’ut 62 chi k’olib’al xuquje’ 252 cápsulas rech cocaína ri’, jeri’ xriq 715 upajb’al rech crack, 883.5 pajb’al rech marihuana, xuquje’ ruk’ 196 k’olib’al tawal upam taq. Xuquje’ ruk’ Q14,475 chi pwaqil b’otolik, ruk wuqub’ k’aqb’al q’aq’, 8 waqxaqib’ k’aqb’al q’aq’, 231 ub’aq k’aqb’al xuquje’ 16 chi ch’aweb’al rech eqam, ruk’ nik’aj awam jastaq.
Eri Wokom K’amal B’e rech Iximulew pa reqale’nib’al le Ministerio rech Gobernación (MINGOB) kuya uchuq’ab’ uq’atexik ri k’ayin awan kunb’al ruk’ nik’aj chik. Rumal ri’ ya’tal le 110 rech PNC xuquje’ 1577 rech antinarcótica rech chi la’ kakib’ij wi loq ri winaqilal wexa’ k’o ri b’anoj k’ax kakilo.