E k’o kajib’ ajchajil tinamit rech lri Comisaría 14 xechap ri’ kumal reqa’lenel le Inspectoría General (IG) rech ri Wokajil Ajchajil Tinamit (PNC) pa le uk’olib’alil le Central rech Mayoreo (CENMA), zona 12 rech Villa Nueva, Iximulew. Ri e’are xechapatajik are chi’ sib’alaj xkitoq’ij pwaq chi kech le winaqib’ xa’ e’ajq’axel ri’ pa le jun nimach’ich’ ub’anik pullman le kab’e pa le frontera Tecún Umán, San Marcos, rech kakiq’atij ta chik le kib’e pa le kib’enam ri’.
Pa le kichapik, eri wokaj e ajchajil tinamit xkisik’ij apanoq rajq’atol tzij rech ri Ministerio Público, rech xe’opanik xkichapo ruk’ taq ri pwaq jastaq xriqitaj kuk’ nik’aj ajchajinel e b’anol elaq’ ri’. Rumal ri’ eri q’atb’al tzij xkimaj katzukuxik nik’aj elaq’om eqa’lenel ri’ rech xkiq’alajisaj ri kimak ri’.
Eri Ministro rech Gobernación, Francisco Jiménez, xub’ij ri are che man utz taj ri b’anoj elaq’nik ri’, eri nik’aj kajib’ eqa’lenel ri’ sib’alaj xkitz’ilij uwach le taqawokajnem ri’. rumal ri’ eri Jiménez xuya ub’ixik che nik’aj eqa’lenel ri’ xechapik rumal xya loq kitzjol kumal le winaq pa le ch’a’web’al 1531 rech le Centro Anticorrupción Policial. “Man kaqakuy ta kimak elaq’ xkib’an ri’, chi’ kachup wi le b’anoj elaq’ ri’”, xcha’.
Pa le centro rech tzukno’jchak ri’ chi’ qas kaya wi b’ixik loq kumal le winaqilal. Are chi’ kilotajik ri kimak xkib’an ri ajchajinel tinamit ri’, pa aninaqil k’ut katern’ex kaq’atexik, xuquje’ rech kek’am b’i pa q’atb’al tzij rech kakitoj ri kimak che ri kakib’an pa tinamit.
Le Wokom K’amal B’e rech Iximulew pa reqele’n le Ministerio rech Gobernación (Mingob) sib’alaj xub’ij che man kaqakuy ta kimak ri kakib’an releq’axik pwaq chi kech winaq. Rumal ri’ kab’ix chi kech le winaqilal rech pa kub’al k’u’x pa awalik chakiya loq utzijol ri k’ax kakilo kab’an kumal ajchajinel tinamit ri’, pa le ch’a’web’al 1531.