Are chi’ xb’an ri tzukunem rumal le Departamento rech Investigación Contra Secuestros ri’ rech ri Wokajil Ajchajin Tinamit xb’antaj kowonem e k’o lajuj chi uwinaqil jun molaj b’anol k’ax kib’i’ “Los Gatos” xechapik rumal xkeleq’aj winaq kuk’, rumal sib’alaj xkitoq’ij Q300 mil chi pwaqil chi kij rech kakitzoqopij loq. E’are k’ut xechapataj kimik pa Izabal, pa jun komonchak tzukunem xb’an kumal reqa’lenelab’ le Comando Antisecuestros xuquje’ rech le División Especializada rech Investigación Criminal (DEIC) rech ri PNC, jeri’ kuk’ rajq’atol tzij le Fiscalía contra Secuestros.
Pa tzukunem xb’antaj kowonem xechap loq a Selvin “N” 37 ujunab’, a Marvin “N” 34 ujunab’, a David “N” 20 ujunab’, al América 38 ujunab’, al Belinda “N” 20 ujunab’, a Adolfo “N” 62 ujunab’, a Mark “N” 31 ujunab’, a Osmar “N” 31 ujunab’, a Luis “N” 24 ujunab’ xuquje’ a Brandon “N” 23 ujunab’. Konojel ri’ eri kimak kab’ixik k’o ri winaq xkik’am b’i rech xkib’an k’ax chikech, ri xkichomaj xkikamisaj xuquje’ ri nim xkeleq’aj ri’. Pa taq le tzukunem ri’ k’o jun k’aqb’al q’aq’ xriqitajik ruk’ jun ch’aweb’alil ri qaraj k’o kitzijol chi upam rech ke’uq’alajisaj.
Le Ministro rech Gobernación, Francisco Jiménez, pa le uwachwuj ub’i’ X, xuya wi utzijol che pa le tzukunem xb’anik e k’o lajuj chi uwinaqil ri jun molaj b’anol k’ax kib’i’ “Los Gatos” xechap loq. Le Jiménez rumal ri’ k’o jun nim utz chak xkib’an le wokaj e’ajchajin tinamit rech pa le kaq’atexik ri jun molaj b’anol k’ax ri’.
Eri nik’aj winaqil ri’ e’are kab’ixik xkeleq’aj b’i kuk’ ri a José Antonio María Monroy López, pa le oxib’ q’ij rech octubre rech 2024 pa le aldea El Cedro, Morales, Izabal ri’.
Eri tzukunik ri’ are tajin uterne’xik pa taq le q’ij ri’ xuquje’ are la’ k’o le utzijol kaya na ri’.