E k’o job’ chi pandilleros xechapataj k’ut kumal rajchajinelab’ ri Comisaría 12 rech ri Wokajil Ajchajin Tinamit (PNC), are chi’ xkaj xekanimajik pa jun b’insal ch’ich’ pa le 9ª calle xuquje’14 avenida, colonia Martinico I, zona 6 rech ri uk’u’x nimatinamit. Rumal b’a’ pa aninaqil xe’oqatax kumal ri ajchajil tinamit xb’antaj kowonem xechap loq rumal e’are kab’ixik xkib’an ri jun k’aqanik pa le 13 avenida xuquje’ 9ª calle rech pa le wokja chi la’ k’ut.
Eri nik’aj winaq xechapik e’are k’ut a José Guillermo Fajardo Palacios, 24 ujunab’, ukojomb’i’aj “Gruñón”; a Janfri Osiel Estuardo Canizales, 19 ujunab’, eri ukojomb’i’aj are “Janfri”; a Luis Antonio Mazariegos Hernández, 18 ujunab’, xch’ob’ uwach are ri’ a “Tortuga”; xuquje’ a Winiger Leonel Ciego Blanco, 23, ri ukojomb’i’aj “Calimba” ri’. Xuquje’ k’o jun ala 17 ujunab’ xchapik xk’am b’i pa Q’atb’al Tzij ri Ke’uchomaj Alab’om Alitom ri keq’axin tzij.
Eri nik’aj uwinaqil ri jun Pandilla rech ri Barrio 18 e’are b’a’ xkik’aq jun achi 26 ujunab’, rumal kab’ixik are uwinaqil ri Mara Salvatrucha (MS). Eri tzukunem xqaj chi rij ri’ kub’ij che qaraj are ruma k’o koyowal chi kuwach nik’aj molaj b’anol k’ax ri’.
Ri k’aqb’al q’aq’ xriqitajik
Eri wokajil ajchajin tinamit xkiriq k’ut kajib’ chi k’aqb’al q’aq’, jun subametralladora, jun mini Uzi, keb’ towls, keb’ chalecos antibalas, k’ilaj taq ub’aq’ k’aqb’alil ri utz kakojik, xuquje’ ruk’ oxib’ chi ch’a’web’alib’al rech eqam. Xuquje’ xriqitajik jun placas rech ri’ b’insal ch’ich’ P 949KFY, are la’ k’o kuk’are chi’ xkaj xkik’a b’i are chi’ xekanimajik.
Pa ronojel ri rajilab’al ri k’aqb’alil xriqitajik, e k’o oxib’ xya kitzijol che xe’eleq’axik pa le zona 9 rech uk’u’x nimatinamit ri’, pa Izabal xuquje’ pa Jutiapa ri’. Eri nik’aj winaq ri’ xek’am b’i pa q’atb’al tzij rech kechomax chi rij ri kimak xkib’ano.
Rumal pa aninaqil q’atexik ri’
Eri jun chik pandillero rech ri Barrio 18 ri’ ri are xchap pa le colonia Bello Atardecer rech ri aldea Chichimecas rech Villa Canales, iximulew. Are k’ut a David “N”, 23 ujunab’, are kab’ixik xub’an ri k’aqanik chi la’ k’ut, ri xa’rumal ri’ xb’antaj kowonem xq’atexk.
Eri tzukunelab’ rech ri División Nacional Contra rech Desarrollo Criminal rech taq ri Pandillas (DIPANDA) rech ri PNC, xkiriq k’’ut jun k’aqb’al ri maj uwujil, keb’ tolws, ruk’ ub’aq’ k’aqb’alil xuquje’ ruk’ jun chaleco antibalas. Are chi’ xchapik, eri jun winaq ri’ xk’am b’i pa q’atb’al tzij chi rij ri taq ri k’ax xub’ano.