Eri puq reqa’lenelab’ ri Centro Antipandillas Transnacional (CAT) rech ri Wokajil Ajchajin TinamiT (PNC) xkik’am b’i pawe q’ij kimik e keb’ itzelalaj taq pandilleros salvadoreños pa le rachoch ri Migración k’o pa le k’ulb’a’ juyub’ frontera Pedro de Alvarado, pa Moyuta, Jutiapa. Chi la’ k’ut, xejach wi b’i pa kaq’ab’ ri wokajil ajchajin tinamit rech El Salvador ri’.
E’are k’ut ri al Reyna Guadalupe Celada Mendoza, 27 ujunab’, xuquje’ ri Edenilson Bladimir Maldinera Cruz, 24 ujunab’, ukojomb’i’aj “Mamá Nata”, eri e keb’ ri’ e’uwinaqil ri Mara Salvatrucha (MS-13). Eri e keb’ ri’ xtq loq kachapik rumal ri q’atb’al tzij salvadoreña: eri Celada Mendoza rumal kab’ixik xub’an kamisan winaq, molaj b’anoj k’ax ri’. Eri Meldinera Cruz rumal k’o ri b’anoj k’ax xub’an chech ri ak’ala ri’.
Eri keb’ winaqib’ ri’, e’are kab’ixik kuwach nik’aj b’anol k’ax rech pa utinamit xuquje’ k’o umak kab’ixik rumal xub’an k’ax chi kech ri winaqib’ xuquje’ rumal xuq’atij kab’e winaq keq’axik.
Eri nik’aj itzelalaj taq mareros ri’ xeriqitaj pa rulewal mexicano xuquje’ xejach b’i pa kaqa’b’ ri wokajil ajchajin tinamit e’aj iximulew ri’ pa le frontera El Carmen, Malacatán, San Marcos. Eri b’anoj kaq’atexik ri’, are kuya uchuq’ab’ ri tob’anem chi kuwach ri Iximulew ruk’ México xuquje’ El Salvador ri’, rech uq’atexik ri nuk’molaj b’anoj k’ax ri’ pa rulewal taq nimatinamit.