Eri reqa’lenelab’ ri Wokajil Jachakunb’al rech Ajchajil K’ache’laj (DIPRONA) rech ri Wokajil Ajchajil Tinamit (PNC) pa jun k’ache’laj rech pa juyub’al ri tinamit rech San Pedro Ayampuc, pa le finca La Viña, kopan uk’ulb’a’t pa le aldea La Viña, chi k’u ri’ xkichap wi loq e waqib’ chi winaqil ri’.
Eri xechapataj loq e are ri’ a Humberto de Jesús Sil Pérez 30 ujunab’, a Lorenzo Subiuj Turuy 34 ujunab’, a Wilder Gustavo Castellanos Raxón 25 ujunab’, a José Luis Cotzojay Zet 30 ujunab’, a Jimmi Gerardo Raxón Zet 19 ujunab’ xuquje’ a Miguel Jacobo Tezén Zet 26 ujunab’ ri’, kab’ixik xechapatajik aretaq ketajin che umolik 5.5 etok’al kak’ob’ rij ri che’ kaqupim, kiya’om pa uwi le uchararib’al ri nimach’ich’ C-554BHZ, FORD ri saq upasil rij xuquje’ ruk’ q’an xuquje’ rax juch’um chi rij ri’.
Eri che’ kesam chik che ri xkimol uloq’ik rech kakik’ayij chik, ri maj pa usaqil resaxik ri’ rumal man k’ot kuwujil rech kakib’an jewa’ ri’.
Chi’ k’u ri’ xraqataj wi jun ch’ich’ tractor Bulldozer, rech ri MODELO Ď4E serie No.27X692, xuquje’ chi’ rumal man k’ot le ch’ich’ kareqaj b’i juntir ri’ chi’ xel kanoq 18 chi etok’al ropanb’al rij ri che’ qupim chik xuquje’ k’o oxib’ etok’al chi si’ kib’anom chik ri xraqataj loq.