Pa jun tzukunem xb’an iwir kumal reqa’lenelab’ ri División Especializada rech Investigación Criminal (DEIC), rech ri Policía Nacional Civil (PNC), pa komochak kuk’ ri q’atol tzij rech ri Ministerio Público (MP), pa Fray Bartolomé de las Casas, Alta Verapaz, xb’an kowonem xechapataj e oxib’ chi winaqib’ ri’, xchap jun q’apoj ala xuquje’ xriqitaj chomapwaq ri’.
Ri al María Betzabeth Velásquez Zetino, 28 ujunab’, ri are xchapik rumal ajk’ayil awan kunab’al ir’, xuquje’ a Edgar René Tujt Pop, 34 ujunab’, xchapik rumal xub’an k’ax ch’ijom chak chke ri winaq. Eri winaq ri’ xechapataj chi la’ pa le nab’e nimaja xtzukux upam ri’, chi la’ k’ut xriqitaj wi job’ chi uware rilik k’olib’al ruk’ cocaína ri’ xuquje’ waqib’ chi ch’aweb’alil ri xpis ri’ rech kuya q’alajisab’al ri b’anoj tzukunem katajin chi rij taq. Xuquje’ k’o jun ala 16 ujunab’ xk’am b’i pa jun Q’atb’al Tzij rech Kuq’attzij pa kiwi Ab’om Alitom kek’ule’lan tzij ri keniman taj.
Pa le ukab’ nimaja xtzukux upam ri’ chi la’ xriq wi loq 8 millones 540 mil 378.35 chi pwaqil aj iximulew, ruk’ jun k’aqb’alil. Rumal ri xriqitaj ri’ xchap jun achi ub’i’ a Juan Israel Ixcotoyac Cac, 34 ujunab’, ri uwujil ri pwaq ri’ xk’ut tane’. Are chi’ xchapik, eri jun achi ri’ xk’am b’i pa jun nimaja rech kunanib’al winaq, rumal qaraj yowab’, sib’alaj chajim kumal ri ajchajil tinamit.
Eri wokajil ajchajil tinamit xuquje’ xkiriq jun k’aqb’al, ruk’ k’i ub’aq’ k’aqb’alil, ruk’ k’i b’ilob’al upam k’aqb’al ri’ are la’ xriq pa le urox nimaja xtzukux upam. Konojel ri nik’aj winaq ri’ xek’am b’i pa taq q’atb’al tzij rech kechomax chi rij taq ri jastaq xriqitajik. Rumal xb’ixik, ya’tal k’ut ri 110 rech ri PNC xuquje’ ri 1561 rech Crime Stoppers, rech chi’ kakib’ij wi loq ri winaqil ri k’ax kakilo kab’anik.