Eri b’anoj utzukuxik uwach taq ri 867 chi pisoj k’olibalil rech cocaína xriqitaj pa Iztapa, Escuintla, e k’o chik oxib’ chi winaqil e chapom chi rij ri’ e’uwinaqil ri jun molaj b’anol k’ax ri kakib’an ri awan k’ayin kunb’al ri’.
Are la’ xmajtaj utzukuxik ri’ are chi’ eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit xkib’an ri utzukuxik pa jun nimaja k’o pa tinamit ri’, pa uterne’xik ri q’alajisab’al rech ri jun eqa’n chi awan kunb’al xya ub’ixik loq ri kab’ixik xok loq pa uwi nimasaqpalow ub’i’ océano Pacífico. Pa le ub’anik ri tzukunem chi rij ri’ xriqitaj jun eqa’n chi awan kunb’al, ri sib’alaj chajital rumal a Luis Antonio “N” xuquje’ ri Allende Del Mar “N” ri’.
Pa jun nimaja ri’ xuquje’ xriqitaj jun raqarik k’aqb’al ri’, jun ch’aweb’al rech reqam, oxib’ ch’aweb’al q’axel tzij, oxib’ chokonsab’al GPS xuquje’ k’ilaj uwach jastaq k’aqb’al rech kuk’ut ub’e nima’q taq jukub’ ri’. Xuquje’ k’o oxib’ jukub’ kejub’ub’ pa uwi taq le ja’ ruk’ jun ch’ich’ picop. Are chi’ xb’antaj retaxik ri usolwachixik ri’, eri reqa’lenel ri SGAIA ri’ xkilo che pa taq ri pisoj k’olib’al ri’ k’o ri cocaína, eri rajil are kopan pa Q.88.244,127 chi nim pwaqil ri’.
Pa uterne’xik xb’anik, xb’an jun ukab’ utzukuxik pa San José, Escuintla ri’, rumal ri’ xb’antaj kowonem xchapataj a Walter Amílcar “N” ri’. Xuquje’ eri q’atb’al tzij xkiya utzijol che ri xriqik rech Q175,000, ruk’ jun k’aqb’al q’aq’, keb’ nojisab’al uq’a’ ch’aweb’alil, jun raqarik, jun ch’aweb’al q’axel tzij, keb’ kutb’al GPS xuquje’ keb’ ch’aweb’alil rech eqam.
Xuquje’, chi’ pa xechap wi loq e’oxib’ chi ch’ich’ rech eqa’n, jn ch’ich’ rech erelwinaq, jun ch’ich’ picop, keb’ kejach’ich’ xuquje’ keb’ jukub’ ch’ich’, are kab’ixik okisam pa taq b’anoj k’ax ri’.
Eri chakunem ri’ are xb’an pa kemonchak kumal taq ri wokajil ajchajinelab’ rech puqtzukunem rech ri PNC, ruk’ ri Wokajil Ajchajin Amaq’ Iximulew ri’ xuquje’ kuk’ ri q’atol tzij rech antinarcóticos rech ri MP. Eri winaqil e chapom xek’am b’i pa taq q’atb’al tzij ri’, eri jastaq xriq kuk’ xpis b’i rech kaq’alajisax na uwach ri’.