Pa keterne’xik uchomaxik rilik le b’iw b’ixik loq kumal le winaqil, pa 29 rech agosto ri’ eri reqa’lenel le Wokaj Ajchajinelab’ e Ajq’atenel taq Pandillas (DIPANDA), rech ri Wokajil Ajchajil Tinamit (PNC), xkib’an k’i taq tzukunem kuk’ ri Ministerio Público (MP), rech xkitzukuj xkiriqo e waqib’ chi winaqil xuquje’ 180 chi taq k’olib’al rech cocaína, pa uq’ab’ tinamit rech Iximulew.
Eri xechapik are k’ut a Edgar David Chávez García, 40 ujunab’; al Sara Ester Tzunún Gutiérrez De Chávez, 39 ujunab’; a Jorge Esteban Pérez Púde, 32 ujunab’; a Elmer Santiago Expatec Toj, 45 ujunab’; a Lenyn Obed Orozco Velásquez, 30 ujunab’ xuquje’ al Álida Aime Orozco Velásquez, 25 ujunab’, eri kimak kab’ixik xkib’an toq’inik pwaq, b’anoj k’ax, kamisanik xuquje’ nik’aj chik k’ax.
Jeri’ xriqitaj 180 chi taq k’olib’alil rech cocaína, ruk’ 15 taq k’olib’al xuquje’ wajxaqib’ chi taq awan kunab’alil, ruk’ job’ chi ch’a’web’a’ib’al ri’, rumal ri’ xek’am b’i pa le Procuraduría rech le Amaq’ Nimatinamit ri e keb’ taq ak’alab’.
Eri q’atb’al tzij rech ajchajin tinamit sib’alaj xkiya utzijol k’o nim upatanib’al le b’iw ub’ixik loq kumal le winaqib’ pa le 110 xuquje’ pa le 1574 rech ri PNC rech katerne’x utzukuxik uriqik loq, rech kechap ri e ajmak chi rij ri’.