Paq’ij ri’ xb’an ri tzukunem pa kachoch winaq rech uk’u’x nimatinamit Iximulew, rech xetzukux jun molaj chi elaq’omab’ ri kab’ixik e are kakib’an ri elaq’nik pa tinamit. Eri tzukunem are xe’uq’alajisaj ri jun molaj b’anol k’ax che ri kakeleq’aj retal kib’i’ winaq pa ja k’olime’r rech kakib’an k’ax ri’, pa le wokja rech ri uk’u’x nimatinamit.
Eri b’anoj katzukuxik ri’ are xe’uq’alajisaj ri e waqxaqib’ chi winaqil ri’: a Ricardo Antonio “N”, alias Salchicha; al Ana Lucía “N”, a Alan Francisco “N”, a José Nicolás “N”, a José Valentín “N”, a William Otoniel “N”, a Donal Stivin “N” xuquje’ a Lusvin Alexander “N”. Xuquje’, pa le katzukuxik ri’ xb’antaj kowonem xeq’alajinik rumal le tzukunem xb’an kumal reqa’lenel ri e sak’aj reqa’lenel chajin tinamit.
Eri tzukunem chi rij, are xuq’alajisaj che ri nik’aj elaq’omab’ xechap ri’ kab’ixik e are xkib’an ri elaq’nik ruk’ taq kaxib’ixik ri winaq, ri kewa’katik ri’, jeri’ chi ke ri e’ajb’insal ch’ich’ are chi’ e tak’al keye’m keq’axik. Te k’u ri’ nik’aj b’anol k’ax ri’ pa aninaq kakiwajo kib’, rech kikanij kib’ chi rij taq kejach’ich’ xuquje’ che kaqan kekanimajik keb’e. Are chi’ xsik’ixik ri Ministerio Público ri’, xmajtaj katzukuxik pa taq nimaja k’olib’al xuquje’ rech xechapik.
Eri nik’aj elaq’omab’ xechap ri’ kab’ixik eri kimak, xkiwajo kib’, xkib’an molaj k’ax, xkib’an k’ax elaq’, xkeleq’aj ch’a’wib’alil xuquje’ e k’o ixoqib’ xkib’an k’ax chi ke ri’.