Eri q’atb’altzij rech ri Wokajil Ajchajil Tinamit xkiya’ loq utzijol e pa majwa’katenik ri taqom loq unimaxik rumal ri k’amal b’e amaq’ e k’o 12 mil 986 chi winaqil e chapom chik aretaq ketajin che b’anoj ch’ojinik xuquje’ rumal e q’ab’arel ri’.
Eri Edwin Monroy ajtzijol rech ajchajil tinamit, xuya’ utzijol eri winaq e chapom b’i xek’am b’i pa q’atb’altzij rumal ri k’ax ketajin che ub’anik aretaq xeraqataj loq.
E pa taq le tinamit che ri qas e chapom wi winaq ri’: “Pa Nimatinamit Guatemala, pa Escuintla xuquje’ pa Cobán, pa Alta Verapaz ri’. Eri tinamit che ri qas ma k’o k’i winaq e chapom ri’ are pa Izabal xuquje’ Chuwi’meq’ina’”, xcha’ ri Monroy.
E q’atb’altzij rech ajchajil tinamit xub’an jun sik’inik chi ke ri winaqil rech kakik’owisaj ta tzij ri’ rech man k’ot kechapoj loq xuquje’ rech kek’oji b’a’ kuk’ pa taq kachoch kuk’ ri kachalalil pa taq le q’ij ri’ che ri xkoj rumal ri k’amal b’e amaq’ Alejandro Giammattei ri’.