E k’o wuqub’ chi winaqil xechapatajik are chi’ xkkb’an jun k’aqanik chi ke reqa’lenelab’ ri División Nacional rech Ajq’atenel taq ri Pandillas (Dipanda) rech ri Wokajil Ajchajil Tinamit ri’ (PNC).
E are ri a Manuel Estuardo Antuche Osorio, 45 ujunab’ ri’, a Jarvin Samuel Patzán Lem, 28 ujunab’ ri’, al Norma Maribel Noj Monroy, 49 ujunab’ ri’, al Yenifer Rosario Antuche, 24 ujunab’ ri’, al Ashly Samantha Antuche Peñate, 25 ujunab’ ri’, a Edgar Joel Antuche Osorio, 49 xuquje’ a Wilson José Franco Osorio, 49 ujunab’ ri’.
Eri b’anoj k’ax ri’ are la’ xk’ulmataj pa le 11 rech agosto ri’, are chi’ eri tzukunelab’ ketajin che jun b’anoj utzukuxik kitzijol nik’aj b’anol k’ax pa le colonia Guajitos, zona 21 rech uk’u’x nimatinamit ri’, ri xeyutik, xesach ri k’aqb’alil keqam xuquje’ xech’ay chi la’ kumal nik’aj b’anol k’ax ri’.
Pa jun aninaqil q’atenik kumal reqa’lenelab’ ri Comisaría 14 rech ri PNC xb’antaj kowonem xriqitajik ri k’aqb’alil xuquje’ rech xechap nik’aj winaq e b’anol k’ax ri’. Rumal k’ut e keb’ chi ajchajinel rech ri Dipanda xb’an k’ax xesak chi’ rumal ri’ xek’am b’i pa jun ja rech kunanib’al winaq.
Jeri’ xriqitaj jun subametralladora UZI, jun tolva ruk’ 10 ub’aq’ ka’qb’al, jun pistola, jun tolva xuquje’ ruk’ oxib’ ub’aq’ k’aqb’al, rech jun chi ke ri xechapik xuquje’ ruk’ kajib’ chi ch’aweb’al rech eqam.
Eri xechapataj ri’ xek’am b’i pa q’atb’al Tzij ri’.