Qajib’al q’ij rech iwir, eri Wokajil Ajchajil Tinamit (PNC) xkichap keb’ b’anol k’ax pa le Calzada San Juan, Mixco, pa uterne’xik jun b’anoj k’aqanem xb’an iwir pa jun ch’ich’ erelwinaq. Eri nik’aj xechapik xch’ob’ kuwach e are k’ut a Boris N, alias “Psicópata”, xuquje’ a Warner N, alias “El Intruso”, e are k’ut xeriqitajik keqam jun k’aqb’al ri’.
Are jun alias Psicópata reqam jun k’aqb’al rech 9 milímetros ri xreleq’aj pa le zona 2 rech Mixco, jeri’ utzijolil xkiya loq ri e’ajchajil tinamit. Eri jun alias El Intruso reqam lajuj ub’aq’ k’aqb’al ri’, ri maj uwuj reqam tane’. Eri e keb’ b’anol k’ax ri’ e’are xeq’atexik xechap pa jun puqchajinem q’atenik ri xkojik are chi’ xkita utzijol ri jun k’aqanem pa jun chik ch’ich’ erelwinaq pa le zona ri’, rumal ri’ pa aninaqil xe’opan che q’atb’al tzij che ri kichapik ri’.
Eri q’atb’al tzij k’o k’i k’aqb’al xriqik kuk’ nik’aj b’anol k’ax ri’ ri te k’u ri’ xkik’am b’i p a Q’atb’al Tzij rech Mixco rech kuq’at tzij pa kiwi’ chi rij ri k’ax xkib’ano. Eri puqchajinem q’atenik ri’ are la’ uwach ri ya’olchajinem tajin ri rech uq’atexik ri b’anoj pa uk’u’x nimatinamit.