Eri oxib’ kamisanelab’ xechap loq chaq’ab’ iwir pa aninaqil kumal reqa’lenel ri Wokajil Ajchajin Tinamit (PNC), pa le aldea El Rico, Los Amates, Izabal ri’. E’are k’ut ri Harllan “N”, 35 ujunab’, Hugo “N”, 32 ujunab’, xuquje’ ri Yanier “N”, 27 ujunab’, e’are kab’ixik xkib’an jun k’aqanik chi re ri ajkalte rech ri tinamit ri’. Eri ajkale man xtaqataj taj.
Eri wokajil ajchajin tinamit are chi’ xkita utzijol ri jun k’aqanik ri’ pa aninaqil k’ut xeb’e che utzukuxik chi la’ k’ut, xekowon k’ut che kariqik nik’aj winaq kab’ixik xuquje’ xkiriq keb’ b’insam ch’ich’ ri e’are kab’ixik xekoj pa le b’anoj k’ax. Pa le jun chi ke xeriq wi e keb’ chi tolvas xuquje’ k’i ub’aq’ k’aqb’alil ri utz kakojik.
Eri PNC xkib’ij che ri nik’aj winaq xechap pawe q’ij kamik e’are k’ut e tzukum ri’ xuquje’ are chi’ xkilo che ri e k’o ri e’ajchajin tinamit xkitzaq apan ri kik’aqb’alil che ri xkikojo che uk’aqik ri ajkalte ri’, pa k’isb’al wuqq’ij kanoq. Are chi’ xechapik, eri nik’aj b’anol k’ax ri’ xek’am b’i pa q’atb’al tzij rech keqaj pa q’atoj tzij chi kij ri’ chi rij ri k’ax xkib’ano.