Sib’alaj e chajimaj kumal e’ajchajin tinamit, eri keb’ e’itzelalaj b’anol k’ax xeq’axex pa le Rachoch Japache’ Tz’apib’al Sib’alaj Chajital “Renovación I”, k’o pa escuintla, are chi’ xb’an le nim chajinem pa le Sector Módulo pa le Granja Modelo rech Rehabilitación Pavón, pa Fraijanes, Iximulew.
Eri nik’aj e tz’apilik e’are k’ut ri jun alias “Ploky”xuquje’ ri jun alias “Thief”, eri keb’ b’anol k’ax ri’ k’o xkikamisaj, xkib’an ri kamisanik xuquje’ xkitukuj kib’ pa rachoch tz’apib’alil. Eri nik’aj e tz’apilik sib’alaj e chajim kumal ri wokajil e rajawaxik ri’ rech ri Wokajil Ajchajil Tinamit (PNC) xuquje’ kumal ri reqa’lenel ri Grupo Élite rech ri Sistema Penitenciario (SP).
Eri Ministro rech Gobernación, Francisco Jiménez, pa le uwachwuj pa kaqiq’ k’amq’aq’nil rech X, sib’ala xuya utzijol chi k’o nim upatan xeq’axexik nik’aj expandilleros ri’ rumal e’are sib’alaj xkitoq’ij pwaq chi kech ri winaq pa kachoch, ri e’ajpoq’san chak meb’il ri’ k’a pa le rachoch tz’apib’al Pavón. “Xkaj ri e’are xkib’an ch’ojinik rech xkiya kib’ chi kij ri e’ajtaqol kech, man je tari’ rumal xb’ix chi kech pache’ e tz’apil wi xuquje’ man rech ta uxlanem chi’”, xcha’.
Pa le b’anoj kaq’axexik, eri wokajil ajchajil tinamit ruk’ katob’anik le Binomios K-9, sib’alaj xkib’an jun nim solinik ri’ rech xkichap ri b’anoj chajinem chi’, rech uq’atexik ri toq’inik ´pwaq, ri nik’aj nuk’molaj e b’anol k’ax k’a pa le rachoch tz’apib’al ri’, rech b’a’ keq’atatejik.
Are chi’ xb’an le uch’ob’ik uchomaxik ri’ rumal le Subdirección General rech Investigación Criminal (SGIC) rech ri PNC, xch’ob’ik che ri keb’ winaq ri’ xek’oji pa pandilla rech ri Barrio 18 e’are k’ut xkib’an ri b’anoj k’ax, ri toq’inik pwaq xuquje’ ri b’anoj xib’inem chi kech ri e’ajk’ayinelab’, chi kech ri e’ajchoq’e e’ajb’insal ch’ich’. Ruk’ le kaq’axexik sib’alaj xya uchuq’ab’il ri b’anoj chajinem pa le rachoch taq ri Japache’ tz’apib’al pa tinamit.