Eri reqa’lenel ri Comisaría 21 rech ri Wokajil Ajchajil Tinamit (PNC) xkichap nik’aj kakik’am b’i winaq pa nimatinamit naj e are k’ut a José David Morales Lemus ruk’ jun q’apoj ala 16 ujunab’ k’ut. Eri tzukunbem kumal ajchajil tinamit xb’an chi la’ pa le calle “Las Tres Ceibas” rech ri uq’ab’ tinamit Agua Blanca, rech Jutiapa ri’.
Eri nik’aj winaq ri’ e are kab’ixik kik’amom b’i e 17 chi winaqil venezolanos pa jun camioneta ub’anik agrícola ruk’ ri placas rech reqam P-507GVL. Are chi’ xb’an le kilik kicholajil ri winaq e k’amom b’i, eri reqa’lenel ri PNC xkib’an le rilik che maj kiwujilal keqam ri’ are chi’ xe’ok loq pa rulewal qatinamit.
Te k’u ri’, eri wokajil ajchajil tinamit xkito’o ri winaqilal e ajq’axel pa tinamit ri’, xuquje’ xkik’am b’i pa le rachoch le Instituto Guatemalteco rech Migración (IGM) pa le frontera Agua Caliente, k’o pa Esquipulas, Chiquimula, rech xkicholajisax ri kiwujilal ri’.
Eri nik’aj winaq xechap chi kij ri’ xek’a b’i pa q’atb’al tij rech xq’at tzij pa kiwi ri’. Eri kich’ich’ xk’am b’i kumal e ajchajil tinamit ri’.