Rumal pa aninaqil eri reqa’lenelab’ ri División rech Puertos, Aeropuertos xuquje’ Puestos Fronterizos (DIPAFRONT) uq’ab’il ri Wokajil Ajchajin Tinamit (PNC) iwir xkichap loq e’oxib’ chi ajb’anol k’ax kexib’ib’anik rech ri pandilla rech ri Barrio 18, pa le nimab’e uxo’l ja kab’e pa aldea El Salamar, Ciudad Pedro de Alvarado, Moyuta, Jutiapa ri’.
Eri nik’aj xechapik e’are k’ut: a Sergio N, 33 ujunab’, ukojomb’i’aj “Canche”; a César N, 22 ujunab’, ukojomb’i’aj “El Nica”; xuquje’ ri jun nicaragüense a Antony N, 33 ujunab’, ukojomb’i’aj “Greñas” ri’. Eri nik’aj pandilleros e xib’ib’anel e b’enaq pa jun b’insal ch’ich’ maj ri placas rech are chi’ xechapik.
Pa le solinik xb’an pa jun b’insal ch’ich’ ri’, eri wokajil ajchajin tinamit xkiriq jun k’aqb’al q’aq’, jun tolw, jun k’aqb’al b’anom, ruk’ k’ilaj ub’aq’ k’aqb’al utz kakojik, jeri’ wuqub’ chi uware ri cocaína, xuquje’ oxib’ chi ch’aweb’alil ri xmajtaj uq’alajisaj uwach ri’.
Eri tzukno’jchak xb’an chi rij kub’ij, eri nik’aj b’anol k’ax ri’ e’are kakaj kakib’an ri k’aqanik chi la’ k’ut. Sib’alaj xub’ij k’ut, eri nik’aj ch’aweb’alil xriq loq, ruk’ wa’ eri PNC xuriq ri q’alajisab’al rech ri’, ruk’ taq ri videos xuquje’ ri oqxa’ntzij ri kub’ij k’ut ri kachomam kakib’ano wi ri k’aqanik chi ke ri winaqil pa tinamit.
Eri utzukuxik xkib’an ri ajchajin tinamit chi la’ pa rulewal tinamit rech Jutiapa, chi la’ k’ut xriq wi loq julajuj chi k’aqb’al q’aq’ maj uwujilal xuquje’ wuqub’ chi pandilleros e xib’ib’anelab’ ri xechap pa junab’ ri’.