Pa le k’ak’ japache’ tz’apib’al tasb’al winaq ri’ xkoj opa le Granja Modelo rech Rehabilitación Canadá, Escuintla ri’ xek’am wi b’i e b’elejeb’ chi uwinaqil ri jun pandilla Barrio 18, ri e tz’apilik pa le Centro rech Detención rech Máxima Seguridad Renovación I. Pa le kaq’axexik xb’anik, pa le nimaq’ab’ rech ri 16 rech mayo kanoq, xkub’isax unimaxik uwach taq ri ya’tal chi ke ri winaqilal xuquje’ ri taqanem tzij tajin pa we amaq’ tinamit ri’.
Eri japache’ tz’apib’al ri’ sib’alaj xsuk’umaxik rech chi la’ kek’oji wi ri nik’aj b’anol k’ax sib’alaj kexib’ib’anik ri man tz’aqat taj ya’ik taq jastaq chi ke tane’. Xuquje’ are kakub’isax ri’ rech pa juntir ketz’apib’ ri’ ri sib’alaj e chajim pa taq ri e tz’apim wiri’, rech k’ot chik kech’a’w wi apanoq, rech k’ot chik b’anow k’ax kakitaq apan ub’anik k’a pa taq kitz’apib’al ri’.
Eri nik’aj pandilleros che ri xeq’axexik e’are wa’: a Aldo Dupie Ochoa Mejía ri’, ukojomb’i’aj “Lobo”, are ajtaqanel chi ke ri pandilla rech ri Barrio 18; a Byron Eduardo Fajardo Revolorio ri’; a Milton Noel Najarro García ri’; a Mayro De León Hernández ri’; a Herber Jonathan Sinay Dionicio ri’; a Jarvin Leonel Itzol Cruz ri’, a Wilder Rodríguez Aguilar ri’; a Manuel de Jesús Rivas Granados ri’, xuquje’ a Carlos Agustín Reyes Popol ri’. Konojel ri e’are e’uwinaqil ri jun pandilla ri tajin kakib’an k’ax ri’.
Chakunem pa taqawokajilal ri’
“Eri k’ak’ k’olib’al japache’ tz’apib’al ri’ b’anom ronojel utz chi re ri’ rech kab’an kachajixik ri ajb’anol k’ax ketz’apis chi upam, jeri’ b’a’ kab’an chi ke rech k’ot chi k’ax kakib’an ri’, rech k’ot chik taqon kamisanik xuquje’ toq’inik pwaq chi taq ri winaqilal ri’ kumal k’a pa taq ri japache’ tz’apib’al.
Eri kek’amow b’i ri e’ajpache’ e tz’apilik are la’ rumal ri ajchajinelab’ rech ri Grupo Élite rech ri Wokajil Japache’ Tz’apib’al (SP) ri xek’am b’i pa taq le k’ak’ ch’ich’ rech ereb’al ri’ ri xeloq’ rumal ri Dirección General rech ri Sistema Penitenciario (DGSP) ri’. E’are k’ut ri reqa’lenelab’ ri unidades especializadas rech ri Wokajil Ajchajin Tinamit (PNC) kuk’ ri reqa’lenelab’ rech ri Wokajil Ajchajin Amaq’ Iximulew ri’.
Eri nimaja japache’ ri’ k’o oxlajuj chi tz’apib’alil chi upam xuquje’ chi’ ke’uq’i’o wi e 80 chi winaqil e’ajpache’ ri sib’alaj kexib’ib’anik. Xuquje’ k’o kab’lajuj chi b’anob’al chulaj chi upam, lajuj chi itinib’al ri’ xuquje’ k’o 650 chi etok’al pa ukajtzalajil kapajan uwach che ri kechajix wi ri winaq e tz’apilik ri’.
Ruk’ ri b’anowem ri’ katajin usuk’maxik ri japache’ tz’apib’al rech ri amaq’ tinamit, rech kab’an ri utzil pa le wokajil japache’ tz’apib’al xuquje’ pa le taqanem tzij kab’an pa taq tz’apib’al ri’. Xuquje’ are la’ k’o jun utz upatanib’al ri’ rech ri chajinem ruk’ ri b’anow taq chajinik ri’ rech kaq’atexik ri b’anow taq k’ax k’a pa taq japache’ tz’apib’al ri’.