Pa animaqil eri reqa’lenel ri División rech Información Policial (DIP) xuquje’ rech ri Comisaría 21 rech ri Wokaj Ajchajin Tinamit (PNC) xkichap uloq e oxib’ chi pandilleros pa kik’olib’al keriqitaj wi, are chi’ xkik’aq ri reqa’lenel ajchajin tinamit kukp’ ri rajq’atol tzij ri Ministerio Público (MP) pa jun tzukunem xkib’an kamik pa le barrio El Barrial, Santa Catarina Mita, Jutiapa ri’.
Eri nik’aj winaq e aj ximkulewal e are a Elber Argenis García Vasquez, 33 ujunab’; a Brandy Geovanni Cerón García, 27 ujunab’, xuquje’ ri salvadoreño José Vidal Martínez, 28 ujunab’, uqab’em ub’i’ kab’ixik le “White, Brocha o Greñas”, e uwinaqilal ri jun Mara Salvatrucha (MS) pa taq katinamit.
Pa le nimaja xtzukux upam kumal ri wokaj ajchajil tinamit xriqitaj wi uloq jun raqarik k’aqb’al, ruk’ 85 ub’aq’ k’aqb’alil ri utz kakojik, ruk’ 55 rij ub’aq’ k’aqb’al, keb’ k’olib’al rech marihuana, jun radio transmisor xuquje’ oxib’ chi ch’aweb’al ri’ ri xpisik xk’am b’i kumal ri q’atb’al tzij rech katzukux juntir utzijolil ri’. Xuquje’ e k’o oxib’ chi kejach’ich’ ri’.
Pa k’isb’alil, eri nik’aj winaq e aj iximulew ri’ xek’am b’i pa q’atb’al tzij rech kamajtaj uq’atik tzij pa kiwi’. Enk’ ri a José Vidal, ri k’o molaj b’anoj k’ax ub’anom e uxib’im winaq ri’, xk’am b’i pa rachoch ri Migración k’o pa le frontera San Cristóbal, Atescantempa, Jutiapa, chi la’ k’ut xjach wi b’i pa kaq’ab’ ri q’atb’al tzij salvadoreñas ri’.