Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkiya utzijol che xriqitaj awan kunb’al pa jun ch’ich’ kumal pa le Puesto rech Control Interinstitucional (PCI), k’o pa le kilómetro 68.3 rech le CA-2, Santa Lucía Cotzumalguapa, Escuintla ri’.
Rumal ri’ xechapatajik e keb’ winaqil e’aj iximulew e’are ri’ kab’ixik a Reynaldo Ismael N, 27 ujunab’, xuquje’ a Anderson Marco N, 23 ujunab’, kab’ixik keqam b’i 32 chi pisoj k’olib’al rk’ marihuana pa jun ch’ich’ e b’enaq wiri’. Eri awan kunb’al xriqik kapajan 86.25 upajb’alil, eri rajil pa ronojel are kopan pa Q27,949.60.
Eri wokajil ajchajin tinamit xuquje’ xkiriqo ri jun ch’ich’ che ri e b’enaq wi ri keb’ winaqil ri’ ri xek’am b’i pa q’atb’al tzij rech kechomaxik. Xuquje’ xkiriq keb’ chi ch’aweb’alil ri kab’ixik xpis b’i rech kaq’alajisax uwach ri’.
Eri chakunem ri’ are kuya uchuq’ab’ ri b’anoj chajinem rumal ri Wokom K’amal B’e Amaq’ pa reqa’lenik ri Ministerio rech Gobernación (MINGOB), rech kaq’atexik ub’e ri q’axenik awan kunb’al ri’, ri k’ayin awan jastaqil xuquje’ ri b’anoj k’ax pa tinamit.