Pa 6 rech noviembre ri’ eri reqa’lenel ri Wokajil Ajchajil Tinamit (PNC) xkib’an k’i taq chajinem q’atenik pa jalajoj taq nimab’e rech Escuintla, rech Tz’oloja’ xuquje’ Santa Rosa, rech ukub’isaxik uwach ri chajinem chi ke ri winaqilab’ ri’ kuk’ ri ke’opan pa solinem chi la’ k’ut. Xuquje’ rech are uq’atexik taq b’anoj k’ax kuk’ ri e ajb’anol k’ax ri’.
Le puede interesar: Tránsito PNC reporta más de 70 mil sanciones a pilotos
Eri División rech Seguridad Turística (Disetur) rech ri PNC xkib’an k’i taq puqchajinem rech q’atenik taq ri k’ax ch uchi’ ri palow rech ri Puerto San José, Escuintla ri’, rech pa le kachajixik ri winaqilal ke’opan chi’, jeri’ rech pa joremal kechajixik ri winaqil ch eri ke’opan che wa’katem chi la’.
Xuquje’ eri ajchajinelab’ rech turismo xkichb’ilaj ri e winaq e wa’katel kuk’ ri kepe naj ri’ rech keb’in pa taq San Juan La Laguna, k’a pa le El Mirador rech Santa Clara La Laguna, Tz’oloja’. Jeri’ k’o pixb’an tzij xb’an chi ke ri ke’opan chi la’ che w’akatenik.
Rumal ri’ eri reqa’lenel ri Comisaría 32 rech ri PNC xkib’an k’i puqchajinem pa taq ri nimab’e, pa uxo’l taq ja pa tinamit rech Santa Rosa ri’. Pa le b’anoj taq chajinem ri’, xta kitzijol e 22 chi winaqib’ rech xilik we man taqom ta kichapik rumal q’atb’al tzij. Xsolij kiwujilal e 12 chi kejach’ich’ xuquje’ xta’ik xya’ik 34 solvencias chi ke ri ch’ich’ ri’ are la’ xb’anik rech q’atenik k’ax ri’.
Le puede interesar: Cuatro capturados tras ataque armado en San Pedro Sacatepéquez, Guatemala
Rumal k’u ri’ pa taq ri chajinem xb’antaj ri’ pa k’isb’al taq q’ij ri’ xb’antaj kowonem xechapik e 42 chi winaqil ri k’o jalajoj uwach taq k’ax kib’anom xuquje’ xriqitajik job’ chi k’aqb’alil ri’. Xuquje’ xeriq e oxib’ chi ch’ich’ keb’inisaxik ruk’ oxib’ chi kejach’ich’ ri’ ri kab’ixik are eleq’am b’i.