Eri k’ak’ kasik’ixik ri e’ajtijoxel rech ke’ok pa le Tijoninem ub’i’ Curso Básico rech Formación rech Agente rech ri Wokajil Ajchajin Tinamit (PNC) ri’ ri ke’uk’amo e 3 mil 500 chi k’ak’ e ajchajinelab’ rech ri ruk’ ronojel kanima’ kakaj kek’oji pa le ya’olchajin uwinaqil tinamit ri’ xuquje’ pa le chainem rulewal qatinamit. We jun k’ak’ katijoxik ri’ are kumaj b’i lajuj ik’alil xuquje’ ri are la’ tijoninem kab’an kumal ri e’atijonelab’ rech le Subdirección General Tijoninem xuquje’ Eta’manik ub’i’
(SGED) ri’.
Le Ministro rech Gobernación, Francisco Jiménez, xutzuj pa le ya’oltzijolinem, jachin k’ut kakaj kakitz’ib’aj kib’, chakib’aj kib’i’ pa le jo’lajuj (15) q’ij ri’, rech b’a’ ya’tal ub’ixik rech ke’ok pa le retaxik kib’. Jeri’ xuya ub’ixik chi k’o jun nimalaj upatan ri okem pa le taqawokajil chajin tinamit rech k’i upetib’al kiwach pa tinamit ri ke’ok che ri reqa’lenel chajinem ri’. “We jun b’anoj sikib’al ri’ are chi kech konojel ri keriqitaj pa rulewal ri qatinamit.
Xuquje’ eri Taqawokajnel tat Jiménez xub’ij chewe ri jun chi kech ri nim uchak le K’amal B’e Amaq’ Bernardo Arévalo, are rech b’a’ ketijoxik e 12 mil chi k’ak’ taq reqa’lenelab’ e’ajchajin tinamit pa le q’atoj utaqanik. Jeri’, xkub’isaj ub’ixik chewe b’anon sik’ib’al pa eta’b’an ib’, are rech kecha’ik e 10 mil chi k’ak’ eqa’lenelab’ rech kek’oji pa le PNC. “Eri b’anoj katijoxik ri e k’ak’ e’ajchajinel tinamit man rech taj e k’i pa kajilab’al, xane are rech qastzij b’a’ sib’alaj kechajixik ri winaqilal pa tinamit kab’an pa kub’al k’u’x ri’”, xcha’.
Xuquje’ le nima patanel tat Jiménez xub’ij che ri b’anoj kacha’ik ri’ man tojom taj. “Wexa’ k’o jun kub’ij katojik rech ka’ok pa le academia ri’, xa’ kupetib’al oyowal ri’. Rumal ri’ chib’ij apan pa le 110 rech ri PNC, on pa le 1531 rech ri Centro Anticorrupción Policial rech ch’ojib’al ub’ixik. Are kiterne’j ri rilik uchomaxik wa’ xuquje’ ruk’ nuchuq’ab’ kintoq’inik rech ketaq b’i pa q’atb’al tzij jachajin kab’anoj ri k’ax ri’”, xcha’.
Pa le b’anoj cha’em etab’anik pa le Academia are ri PNC, “Dr. Carlos Vinicio Gómez Ruiz”, eri e’ajcha’el ri’ chi’ sib’alaj kab’an wi retaxik, we utz kich’akul, kiq’ab’il kakik’el, kik’aslemal, kinawob’al kik’u’x, kisuk’alil.
K’a pawe q’ij, e k’o chik 17 mil chi achijab’ e ixoqib’ kaya’om chik kitzij rech ke’ok pa chak patan pa tinamit ri’.
Ch’ob’om chik eri Ajtijoxel rech Chajin Tinamit xecha’ik kamajtaj katijoxik ri’ pa le nab’e uwaq wuqq’ij rech ri rik’ septiembre rech pa junab’ ri’.