Pa uterenb’exik ri tzukunem chi rij jun b’iw b’ixik loq chi rij utzijolil ri ala ala xb’an k’ax chi ke pa k’isb’al wuqq’ij kanoq, chi la’ xe’opan wi jun puq e ajtob’anelab’ rech xakesaj pa k’ax ri’ ri alaj ala job’ ujunab’ ximitalik uq’ab’ ri’, rumal ri’ eri q’atb’al tzij rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) kuk’ ri Ministerio Públco (MP) xe’opan che utzukuxik pa 8 rech enero ri’, pa le sección Q, colonia El Milagro, zona 6 de Mixco, chi la’ k’ut xkichap wi utatab’al ri alaj ala xb’an k’ax chi re.
Eri jun achi xchapik are ri’ a Eriberto Dávila Muralles, 45 ujunab’, kab’ixik xchapik rumal xub’an k’ax chi re ri alaj ala. Rumal ri’ xtaq uchapik rumal ri Q’atb’al tzij rech Q’atenik K’ax chi ke e Ak’alab’ xuquje’ ri Ab’om Alitom rech Iximulew.
Eri xchapik ri’ k’o oxib’ umak b’anoj k’ax ub’anom, rumal elaq’ pa 24 rech diciembre rech ri 2005, rumal xreleq’aj jun ch’ich’ kab’inisaxik pa 11 rech febrero rech ri 2006 xuquje’ rumal xreleq’aj jun ch’ich’ kab’inisaxik pa le nab’e q’ij rech noviembre rech ri 2011 ri’.
Pa k’’sb’al q’ij rech wuqq’ij ri’, xuquje’ xchapik jun ixoq ub’i’ al Guendi Yesenia Mejía Barrios, 35 ujunab’ (unan ri alaj ala), are chi’ tajin che ub’anik ri k’ax ri’.
Eri alaj ala sib’alaj xto’ik ruk’ katob’anik ri winaq e k’o apanoq k’o wi rachoch, jeri’ kumal ri ajtob’anelab’ xuquje’ ruk’ ri Procuraduría General rech ri Nación (PGN) ri’. Eri q’atb’al tzij rech ri Delegación Especial rech Mixco rech ri PNC, xkib’ij k’ut che e are ri keb’ winaq ri’ e nab’e xechapik pa le k’ak’ junab’ ri’, rumal xkib’an k’ax che ri alaj ala.