Eri ajchomanelab’ rech ri Estados Miembros rech ri Organización rech ri Estados Americanos (OEA), xkimol kib’ pa le Uro’ Nimriqob’al ib’ Kumal ri Q’atb’al Tzij Rajawtzij rech ri Kakichomaj ri Japache’ Tz’apib’al r’, che ri kimik xuquje’ chuwe’q kab’ij kakib’an pa La Antiua Guatemala, Sacatepéquez. Ruk’ ri Riqob’al ib’ ri’ are taqom ub’anik uchomaxik pa riqonem ib’ pa kulewalil taq tinamit, ub’anik ri k’ak’ taqanem rech pa japache’ tz’apib’al ri’, rech kakub’isax ub’anik ri eqale’nchak ruk’ kaloq’axik ri winaqilal ri’, rech e k’o ri kesuk’umaxik xuquje’ rech ketz’alij chik pa tinamit winaqil.
Eri K’amal B’e Amaq’, Bernardo Arévalo, are xuk’am ub’e ub’anik ri riqob’al ib’, sib’alaj xuya ub’ixik chewe riqon ib’chomanem ri’ are la’ k’o nim upatanib’al rech katerne’x uya’ik uchuq’ab’ ri k’ak’ taqanem rech pa japache’ tz’apib’al, rech ri ya’olchajinem xuquje’ r suk’umalil ri’. “Xaqamol qib’ rech uchomaxik ub’anik ri k’ak’ Taqanem pa Japache’ Tz’apib’al pa le Américas rech uchomaxik: ri kemechakub’al, ri jalajoj chomab’al xuquje’ ri uloq’axik kuwach ri winaqilal, ri oxib’ uwa’lib’alil uwach taq man xaq rech chomab’alil ri’, xane’ are rech ri taqanik pa aninaqil che ri rajawaxik chech ri qachakunik pa aninaqil xuquje’ pa kemon uchakuxik ri’”, xcha’.
Xuquje’ eri K’amal B’e Amaq’ xub’ij che ri upatanib’al rech uq’atik ri jun ub’eyal k’o pa saqilal, ruk’ taq ri suk’al eqale’nchak xuquje’ rech ub’anikil utzijob’elil pa le utzijol ri wokajil japache’ tz’apib’al ri’. Xuquje’ sib’alaj xuya utzij rech kub’an ri k’ak’ taqanik pa japache’ tz’apib’al xuquje’ ri pajatil uwach ri chak kab’an pa le rulewal tinamit ri’.
“Are wa’ uwach ri uk’amik ri jun k’ak’ eqale’nemchak rech chaqe uj pa tinamit ri’. Eri Iximulew qastzij b’a’ kub’an ri jun k’ak’ nim taqanik rech pa le wokajil japache’ tz’apib’al. Uj ri’ kujchomanik xuquje’ qas kaqaj uj rech kaqab’an wari’. Eri Wokom Amaq’ ri’ are ri rajawtzij kub’an ri chak ri’, ri uj k’ut qeta’m che ruk’ ri k’aslemam chak ri’ ya’om ub’ixik xuquje’ ruk’ ri achb’ilanik b’anom pa nik’aj chik nimatinamit ri kachoman ri tzijob’elil ri’, are la’ jun ya’talil ri’”, xcha’ ri K’amal B’e Amaq’.
Rumal ri’, eri Secretario General rech ri OEA, Albert R. Ramdin, xuya uq’ij uq’ab’il ri chak b’anom rumal ri tinamit Iximulew ri’ rech ri ub’anik ri riqon ib’ che ri utoq’im ub’anik ri k’ak’ taqanem xuquje’ rech ri k’exnem uwach ri taqanik pa wokajil japache’ tz’apib’al ri’. Xuquje’, sib’alaj xuya uq’ijol ri ub’antajil ri tzijol uk’aslemalil La Antigua Guatemala ri’, ri ar runimal rech chomab’al kumal konojelil.
Pa le riqon ib’ ri’, eri winaqilal rech taq ri tinamit amaq’ib’ kiriqom kib’, kuk’ taq ri q’atb’al tzij rech ri Ministerio rech Gobernación (Mingob), xkitzijoj chi kuwach ri b’anob’al kik’aslemam uwach ri’ ruk’ ri utzilaj taq b’anowem pa taq ri riqon ib’ chomanem chi rij taq runimalil tzij xuquje’ chi rij ri riqoin bi’ chomanem b’anom ri’ rech le rilik uch’ob’ik ri rajawaxik kab’an ri’ xuquje’ rech kab’anik ri utzilaj taq wokajilal japache’ tz’apib’al ri’, ri kub’al k’u’x xuquje’ rech kakisuk’umaj kib’ ri winaq e tz’apilik rech ketzalij pa kachoch pa tinamit.