Ruk’ ronojel uchuq’ab’ ranima’ xuquje’ ruk’ ronojel kab’ixonik chech ri uwach qatinamit kimolom kib’ ri e’ajtijoxel rech jalajoj taq rachoch tijb’al pa tinamit kuk’ ri tijob’al k’o rajchoq’e nimalaj xecholb’inik pa le Desfile Cívico Escolar, pa le nimaq’ij rech 204 ujunab’ uk’aslemal chik utuke’lem rib’ ri iximulew pa le utaqanib’alil. Pane’ b’a’ xqaj ri jab’ e k’i taq winaq e’ajchalalil xeb’e pa le nimaq’ij ri’ xuquje’ xeb’e pa taq le nimaq’ij xcb’an chech kumal ri e’ajtijoxel rech taq tijob’al.
Are chi’ xq’axik chi uwach le Nimaja rech Amaq ri’, eri K’amal B’e Amaq’, Bernardo Arévalo ruk’ ri Ukab’ K’amal B’e Amaq’, Karin Herrera, ruk’ le Ministro rech Gobernación, Francisco Jiménez, ruk’ ri Ministra rech Educación, Anabella Giracca, kuk’ nik’aj chik rajpatanel we Amaq’, xuya jun nim rutzil kuwach ri e’ajtijoxel xuquje’ xuya’ kiq’ij ri bandas escolares ri’, xuquje’ xuya rutzil kuwach ri winaqilal ri’, ri t’uyut’aj pa taq le tem ri kojom pa unimaq’ij qatinamit.
Ruk’ kitaq b’i ri reqa’lenelab’ rech taq comisarías kuk’ ri wokaj e’ajno’jchak rech ri PNC, xkub’isax ri kachajixik ri winaqil xuquje’ ri xek’oji pa le cholb’inik pa jujun taq 15 rech septiembre ri xeq’axik pa taq le nimab’e b’anom pa tinamit rech ri uk’u’x ri amaq’ nimatinamit ri’.
Eri b’anonem ri’, are xumaju ri’ ri b’anoj puqchajinem tzukunik rech uq’atexik k’ax, xuquje’ che kaqan xechajinik xuquje’ xkikojo jun nim Wa’lib’al rech Chajib’al ri k’o nim upatan ri’ xub’an pa uk’u’x nimatinamit, rech uq’atexik ri b’anoj k’ax, rech ya’ik uchuq’ab’ ri kub’al kik’u’x ri wnaqilal chi ke ri e’ajchaiinelab’ pa tinamit rech pa kub’alil b’a’ kek’oji ri’.