Kamajtaj uya’ik uchuq’ab’ ri b’anow uq’atexik ri awam k’ayin taq jastaq, ruk’ ri elaq’nik aduanera ri’, ruk’ ri k’ayin awan jastaq xuquje’ ruk’ nik’aj chik awam jastaq ri’ pa le kemonchak chajinem kumal taq ri taqawokaj pa amaq’ kuk’ ri k’o ajchoq’e. Eri tijowchuq’ab’ chak ri’ are la’ kuya pa retalil ri solib’alil uwach taq ri tzijol, rech kaya uchuq’ab’ ri q’axeb’al tzij tzijol xuquje’ rech k’o uchuq’ab’ ri chajinem kab’an pa amaq’ tinamit.
Eri chakunem ri’ kumal ri wokajil ajchajin tinamit kuk’ nik’aj chik taqawokajil pa taq le Puestos rech Control Interinstitucional (PCI), pa taq tak’ab’il rech aeroportuarias ri’, pa taq k’ulb’a’til xuquje’ pa nik’aj chik k’olib’al pa amaq’ tinamit rech are la’ katob’anik rech uq’atexik taq ri b’anow k’ax, are rech kajam ub’e ub’anik ri k’ayin jastaq pa saqilal, xuquje’ rech kaq’atexik kib’e taq ri molaj b’anol k’ax.
Eri chakum pa le kemonchak tob’anik kumal ri wokaj winaqilal are xb’an pa jun riqonem ib’ rech choman b’anow chak kumal taq ri q’atb’al tzij rech ri Viceministerio rech Antinarcóticos rech ri Ministerio rech Gobernación (MINGOB) xuquje’ kumal taq ajchomanelab’ ri Comisión rech Defensa rech ri Comercio Formal (CODECOF) rech ri Cámara rech Industria Guatemalteca (CIG) ri’.
Eri viceministro rech Antinarcóticos, Víctor Cruz Reynoso, are xuk’am ub’e ub’anik le riqon ib’, pa le xub’ij wi chi k’o nim upatanib’al ri b’anow chomanem rech kemonchak kumal ri wokajil winaq rech kakiq’atij ri k’axk’olil k’o pa ub’e ri b’anow chajinem.
“Rumal ri’ kaqaterne’j ub’anik taq ri chak xuquje’ ri na’ojilal rech kaya’ uchuq’ab’ ri poq’san chak meb’il pa amaq’ tinamit, rech k’ot k’ax pa ub’e ub’anik ri k’ayin jastaq pa saqilal xuquje’ rech kakub’isaxik ri chajinem pa taq ri kik’olib’al ri wokaj jukub’ ch’ich’ chi uchi’ taq palow, pa taq kik’olib’alil taq xik’ach’ich’ xuquje’ ri ch’ich’ keb’insax pa rulewal taq amaq’”, xcha’.
Eri k’amal b’e rech ri CIG, Carlos Sandoval, xuya uq’ij ri chak kakib’an ri wokajil ajchajin tinamit rech kaq’atexik taq ri e’itzelalaj b’anol k’ax pa molajil xuquje’ rech kaq’atexik ri b’anow awam k’ayij pa juntir taq ub’anikil. Rumal ri’ sib’alaj xub’ij che rajawaxik kaya uchuq’ab’ ri b’anow chak ri’ kumal ri keb’ wokajil winaqilal ri k’o nim upatanib’al pa le b’anow poq’san chak meb’il rech kuk’aslemaj rib’ le amaq’ tinamit.
Eri ajk’amal b’e uchak ri CODECOF, Muriel Ramírez, sib’alaj xub’ij che ri tob’al ib’ pa wokajilal are rech kachakux pa junamil kuk’ ri wokaj winaqilal pa tinamit ri’ rech ya’el uchuq’ab’ ri tzijob’exik ri’, rech kaq’atexik ri b’anow awam k’ayin jastaq maj pa usaqilal, xuquje’ rech kakub’isax ub’anik ri poq’san chak meb’il. “Chik’ojo b’a’ ri chakub’alil k’o pa uq’ab’ le Wokaj Ajchomanem ri’”, xcha’.
Eri kemon tob’anem kumal ri taqawokajil pa tinamit kuk’ ri wokajil k’o ajchoq’e are kuya uchuq’ab ri tob’anem pa le b’anow k’ayij pa saqilal, rech le uya’ik uchuq’ab’ ri uq’atexik taq ri b’anow k’ax, rech kunuk’ tzijol, q’alajisab’al xuquje’ ri kemon tob’anik uwach taq ri b’anob’al choman taqanib’al pa tinamit, xuquje’ rech kuwa’lijsax jun b’anow tuoq’axik k’ayinem pa saqilal, rech kapoq’sax wa’lijsab’alil xuquje’ ri kub’al k’u’x chajinik.