Are chi’ xb’antaj ri Nimaq’ij rech Uq’ij pa Uwachulew ri Q’ateb’al ri Ch’ijom K’ax chi ke ri Winaqib’, xb’an pa le 30 rech julio ri’, eri wokaj chakuja rech ri Ministerio rech Gobernación (Mingob) xkib’an jun b’anonem ri’ pa le Paseo rech ri Sexta, zona 1 rech uk’u’x nimatinamit.
Eri Unidad rech Género rech ri Tercer Viceministerio rech Q’ateb’al ri B’anoj k’ax chi ke ri Ixoqib’ xuquje’ ri b’anoj taq k’ax rech ri Mingob pa komonchak ruk’ ri Unidad rech Q’atenik ri K’ax rech ri Wokajil Ajchajil Tinamit (PNC) xkib’an jun ilb’anik ri’ rech xkiq’alo, xkipixb’ej, rech xkiya utzijol ub’ixik chi ke ri winaq chakib’ij we k’o b’anoj ch’ijom k’ax kab’an chi ke ri’.
Pa le b’anonem ri’ xek’oji jun puq chi mimos e ajetz’anel ri xkib’an resaxik uwach ri jujun taq b’anoj ch’ijom k’ax chi ke winaqib’ xuquje’ k’o ri wuj rech ya’ltzijol xkijach chi ke ri winaqil pa tinamit rech xkib’ij ucholaj ri’ chi ke.
¿Jas ub’anik ri ch’ijom k’ax chi ke ri winaqib’?
Are la’ eta’mam uwach ri jun ch’ijom k’ax chi ke winaqib’a pa le Siglo XXI ri kub’an k’axk’onem che ri ya’talil chi ke ri winaqilal rech ketaq b’i rech kek’ayixik. Are la’ we k’o winaq kakichap kuk’ nik’aj chik winaq rech kakib’an k’ax chi ke ri’ rech kakib’an jacha tane’ awaj chi ke, man winaq taq kilik kakib’ano are kakilo jacha tane’ e awaj ri’.
Jachin winaq kakib’an ri k’ax ri’ are kib’i’ “tratantes” xuquje’ are uwach ri’ ri ub’anik ri’:
Are ri itzelb’anik chi ke ub’i’ pornografía, kakitaqo che umolik pwaq, ketaq pa k’ax chak; kekoj che kalk’uwal nik’aj chik winaq, k’o kek’ayix b’i, e k’o ali kab’an ixoq chi ke rech kekanaj e yowab’ ruk’ ak’al rech ka’alaxik, k’o ketaq pa k’ulanem rech kekoj pa k’ax taqkil, e k’o ak’alab’ rech kekoj kuk’ e ajb’anol k’ax; k’o kab’an achk’ulaj chi ke kumal achijab’ xuquje’ k’o ri ketaq pa k’ax chak ri’, k’o kechapik rech k’o kesax che kich’akul xuquje’ rech kak’ayix ri’.
¿Jas ri rilik ri winaq kab’anik we uriqom k’ax ri’?
Keq’alajin k’ut we man k’ot kachib’il kewa’katik, we kakita pwaq chi ke winaq rech kakiloq’o jastaq ri’, pane’ b’a’ kakaj taj ketaq b’i pa chak, esam kiwujil rech kitzijol ri’ xuquje’ qas ta kech’aw kuk’ ri kachalalalil ri’.
Jas ub’anik ub’ixik chi ke ri q’atb’al Tzij?
We e k’o winaq kawilo kab’an k’ax chi ke ri’ kumal e itzel winaq rajwaxik chab’ij pa:
Ri Wokajil Ajchajjil Tinamit pa le: 110
Ri Ministerio Público pa le: 22500575
Ri Procuraduría General rech ri Amaq’il pa le: 24148787
Ri Procuraduría rech Derechos Humanos pa le: 1555