Rech b’a’ kab’an achb’ilanik ri’,rech ri kato’ik kano’jixik ri ak’alab’ kuk’ ri e q’apojil ri’, pawe q’ij kamik xya ub’ixik uwach ri cholchak rech ke’uchomaj ri ak’alab’ che ri maj jun ketowik ri keriqitaj pa k’ax rumal eri kitat nan keriqitaj pa tz’apib’al ja. Eri cholchak ri’, are xya utzijol ub’ixik pa le Salón Menor rech we taqawokajnem ri’, are toq’im ub’anik rumal ri Colectivo Artesana. Pa le jun cholchak ri’ are taqim kachomaxik ri taq ak’alab’ kuk’ ri e q’apojil ri’ che ri tajin kak’iyirik pa taq k’olib’alil che ri k’o wi meb’a’il k’axk’olil. Xuquje’ eri jun cholchak ri’ are utaqim rech ke’uya’o pa le utz k’olib’emal ri’ xuquje’ rech kakub’isax ri kato’ik pa le kak’iyirsb’al ri taq ab’om alitom ri’.
Eri cholchak ri’ are jun q’axenik pa le jun cholchak rech taqonib’al pa tinamit rech pa uq’atexik ri k’ax ri’, man xaq rech ta b’anow ri chajinem ri’ xane’ are rech kaq’atexik ri itzelal k’axk’olil k’o pa tinamit ri kub’an k’ax chi ke ri ak’alab’ xuquje’ ri e q’apojil, pa le kab’an wi ri ya’olchajinem pa le uterne’xik ri ilon chajinem pa amaq’el, pa le kachomaxik ri winaqilal rech kab’an ri utzilem chi kuxo’l ri’, rech pa amaq’el kab’an ri tijoninem chi kijujunl rech kakiya’o ta kanoq le kib’i’ pa le tijonem ri’.
Eri ilob’anem ri’ are la’ xk’am ub’e rumal le viceministro rech Seguridad, Roberto Solórzano, rumal le viceministra rech Q’ateb’al K’ax, Mayda de León, xuquje’ rumal le k’amal b’e rech ri Sistema Penitenciario rech Iximuluew, Jorge López Dellachiessa ri’. Eri cholchak ri’ are la’ xb’an utzijoxik uwach kumal taq rajchomanelab’ ri Colectivo Artesana ri’.