Pa jueves ri’ xb’an ri nab’e riqonem ib’ rumal le Coordinadora Nacional rech ri Prevención rech ri Violencia Intrafamiliar ruk’ ri B’anow K’ax chi ke ri Ixoqib’ (CONAPREVI), pa le chomanem ri’ le q’atb’al tzij kuk’ ri wokajil e’ajchomanelab’ xechoman chi rij ya’el uchuq’ab’ ri b’anow uq’atexik k’ax xuquje’ ri k’ax kab’an chi ke taq ri ixoqib’.
Pa riqonem ib’ ri’, eri q’atb’al tzij e taqom ri’ xkib’an utzijoxik uwach ri cholchak pa wokajilal xuquje’ xkib’an le rilik uch’ob’ik chi rij taq ri ch’ob’otal chak ri’ rech kuya uchuq’ab’ ri wokaj wiinaqilal e’ajchomanel rech le coordinadora ri’. Xuquje’ xechoman chi rij taq ri xechomanik chi rij taq ri ub’anikil ri Cholpatan rech Wa’lisab’al Kimolajib’ ri Ixoqib’, rech kakitaqij uq’atexik ri b’anow chi ke xuquje’ rech sib’alaj kechomaxik ri nik’aj chik winaq kakiriq k’ax.
Eri chomanem ri’ are xb’an rumal le ministro rech Gobernación, Marco Antonio Villeda, ri sib’alaj xub’ij chi k’o nim upatannib’al rech kab’an uq’atexik taq ri k’ax ri’ pa juntir taq uwach ub’anikil, jeri’ rech katerne’x ya’ik uchuq’ab’ ronojel taq ri cholchak rech q’ateb’al k’ax xuquje’ rech loq’ ub’ixik kuwenta ib’ chi ke ri winaqilal.
Rumal ri’, le viceministra rech Prevención rech ri Violencia xuquje’ ri Delito, Mayda de León, sib’alaj xub’an ub’ixik ucholajil ub’anikil taq ri cholchak rajawaxik ri’ che ri tajin ub’anik rumal le coordinadora, rech taqim uya’ik uchuq’ab’ ri q’ateb’al taq k’ax ruk’ ri b’anow toq’ob’ utzilal chi ke ri winaqilal. Jeri’ sib’alaj xub’ij chi k’o nim upatanib’al rech kaya uchuq’ab’ pa kemon ri chak ri’ kumal taq ri wokajilal rech kaya’ik jun utz ilonem pa uq’ijol rech q’ateb’al k’ax ri rech kub’an uq’atexik b’a’ ri k’axk’onem xuquje’ rech kak’oji b’a’ ri k’olemalil pa kub’al k’u’x.
Eri b’anowem ri’ are xb’an pa le Wokom Rachoch Amaq’ pa Uk’u’x Nimatiamit, ruk’ taq kitatb’enik ri ajchomanelab’ rech taq ri wokajilal ri e k’o pa le coordinadora ri’, ri sib’alaj xk’ib’ij chi k’o nim upatanib’al rech ya’ik uchuq’ab’ ub’anik wari’ pa taqawokajil rech kaq’atexik ri k’ax xuquje’ rech kab’anik jun utzilaj ilonem chi ke ri winaq kiriqom k’ax. Xuquje’ pa junamil xkich’ob’o che rajawaxik pa amaq’el kab’an ri kemon chakunem pa wokajil rech kab’an ri q’ateb’al taq k’ax, rech keto’ik xuquje’ ke’achb’ilaxik taq ri ixoqib’ ri kiriqom k’ax.