Eri Puq Ajchajinelab’ rech ri Comando Antisecuestros rech ri Wokajil Ajchajin Tinamit (PNC) sib’alaj xkito’o’ jun ala 16 ujunab’. Are k’ut xriqitaj loq chaq’ab’ iwir pa jun puqtzukunem xb’antaj chi la’ pa le kilómetro 15 rech ri nimab’e kab’e pa Atlántico ri’, zona 25 rech uk’u’x nimatinamit, pa komonchak ruk’ ri Fiscalía Contra Secuestros rech ri MP ri’.
Eri K’amal B’e rech ri PNC, David Custodio Boteo, xuya utzijol ub’ixik ri’, pa aninaqil xkiterne’j le utzuxik xuquje’ rech xkesaj loq pa k’ax le ala k’amom b’i kumal nik’aj kakeleq’aj winaq. “Utz uwach xkiriqo xkesaj loq jun ala pa k’ax, xuquje’ k’o chik pa rachoch kuk’ utat nan. Eri tzukunem chi rij wari’ katajin nan rech kechapik ri nik’aj xkib’an ri k’ax ri’ xuquje’ ri xetaqchi’n chi kech” xcha’.
Eri Custodio Boteo xub’ij, che are chi’ xkesaj loq pa k’ax, eri alaj ri’ xb’an k’i pa le Instituto Nacional rech Ciencias Forenses (INACIF), rech kakilo we tech’om rij uch’akul we k’o jun chik k’ax xuk’ulmaj. “Uj k’o ri’ che reyexik ri kuya ub’ixik ri e’ajkunanel chi’, rech b’a’ are kuya uchuq’ab’ ri tzukunem tajin chi rij wari’”, xcha’.
Xuquje’ eri K’amal B’e Custodio Boteo sib’alaj xub’ij chi k’o nim upatanib’al rech kakiya loq ub’ixik ri winaq pa aninaqil rech b’a’ eri wokaji ajchajin tinamit pa aninaqil keb’e che kato’ik ri winaqil e chapom ri’. “K’o nim uptanib’al pa awalik kab’an le rilik wari’, rech chakitampe b’a’ ri ajb’anol k’ax chi xub’ij loq ri k’ax xkib’an wa’, xuquje’ rech b’a’ man keqaj taj pa kaq’ab’ ri e’utz winaqil”, xcha’.
Eri q’ab’al tzij xkib’ij, e’are nik’aj kakeleq’aj winaq ri’ xkech’a’w apan ruk’ ri rachalal ri jun ala xuquje’ rech xkitoq’ij chompwaq ri’ rech kakitzoqopij loq. Eri jun ala ri’ are uk’ajol ri ajkalte rech San Pedro Ayampuc.
Eri tzukunem terne’m ub’anik chi rij ri’ xuquje’ rech b’a’ kechap ri’ nik’aj winaq xkiyut b’i kuk’.