Eri comisarios xek’oji pa le k’uttijonik ub’i’: “Le tzij ri’ qas kakojik pa le q’atenik k’ax xuquje’ le utzilal/ch’ojch’ob’elil ri’”

Are wa’ uwach ri Cholchak Tijonem tajin upatanexik pa le Ub’eyal Cholb’anoj rech Transformación Policial ri’, eri comisarios rech ri Wokajil Ajchajil Tinamit (PNC) xek’oji pa le k’uttijonem ub’i’ “Le tzij qas kakojik pa le q’atenik ri k’ax xuquje’ le rech utzilal/ch’ojch’ob’elil” ri’.

Eri tijonem ri’ are xb’an pa le 8 rech agosto pa le rachoch ri Comité Internacional rech ri Cruz Roja (CICR) are rech utaqixik katijoxik e 68 chi comisarios xuquje’ subcomisarios rech e k’i taq amaq’ilal nimatinamit.

Pa le K’uttijonem xek’oji ri e ajno’j taq ajtijonelab’ naj tinamit kepe wi jacha ri a Héctor Quilantan rech México, ri Subcomisario rech ri PNC, Annel Florián ri ya’tal uwuj chech kumal amaq’ilal xuquje’ ri rajchakunel ri CICR ri’.

Eri rajchakunel ri CICR kakib’ij eri k’uttijonem ri’ are la’ sib’alaj katob’anik pa le ya’olchajinem kumal e ajchajil tinamit ri’, are katob’an chi ke rech kakik’iso katijoxik rech are rajwaxik chi ke pa ronojel taq q’ij ri’.

Pa martes ri’ xek’oji ri comisarios Distritales xuquje’ pa miércoles 9 rech agosto ketijox ri’ ri subcomisarios ri’.