Eri Primer Viceministro rech Seguridad, Carlos Franco Urzúa, sib’alaj xuya ub’ixik ri chak b’anom rumal ri Comisión Nacional rech ri Sistema Penitenciario pa ri urox nimriqb’al ib’ rech ri 2023, ri xb’an k’ut pa le Ministerio rech Gobernación (Mingob), zona 1 rech uk’u’x nimatinamit.

Pa le b’anonem ri’, xjach ri Ub’ixikil ri Chak Xb’an kumal rajpatan ri Comisión ri wokom uwach rumal ri Sistema Penitenciario (SP) ri’, rumal ri Ministerio Público (MP) ri’, rumal ri Organismo Judicial (OJ) xuquje’ rumal ri Instituto rech ri Defensa Publica Penal (IDPP) ri’.

Eri nik’aj chik uwach ri ch’ob’otal chak ri’ are ri’ ri IDPP, kukoj q’atam q’ij rech ketz’ib’axik ri kib’antajil ri winaq e tz’apil pa japache’ ri’, xuquje’ eri q’atol tzij ub’i’ OJ, kuq’at ub’anik ri’ jun ub’anob’alil rech kujek’ ri q’atenik uwach q’atoj tzij ri’ xuquje’ ruk’ wa’ are kilik rech kajamataj uwach pa japache’ ri’. xuquje’ eri MP kub’an usolixik rilik ri wujilal rajwaxik kajach ri’ jacha kuta ri q’atam b’anob’al k’o pa we q’ij ri’.

Eri Viceministro Franco Urzúa, sib’alaj xuya ub’ixik ri chak b’anom, jeri’ ri xkitz’ib’aj kib’i’ xuquje’ ri nuk’chomab’al pa wokajil xb’anik rech uya’ik pa uq’ijol ub’ixik ri chak b’anom ri’ rech nab’ejsab’al ub’ixik keb’el loq pa kachoch ri e ajpache’ keb’el b’i. Rumal ri’ e rajpatanel ri SP xukoj ub’anik uchomaxik rech keb’e loq pa kachoch e 6 mil chi winaqil e tz’apil pa japache’, rech ruk’ wa’ kajamataj kanoq ri tz’apib’al japache’  ri’.

Pawe q’ij ri’ sib’alaj xya utzijol ub’ixik ri ch’ob’otal chak rech ri b’anoj ri Diagnóstico rech ri Política Nacional rech Reforma che ri Sistema Penitenciario 2014-2024 xuquje’ rech Unuk’ik ri Cholchak Uch’ob’ik ri Política Penitenciaria ri ub’anob’al ri k’ak’ yakon ja rech ri japache’ tz’apib’al ri’, rech pa ucholajil ri taqom b’anoj chak xuquje’ k’i ilonem rajwaxik, ruk’ nik’aj chik uwach.

Xuquje’ pawe ik’ ri’ xb’antaj ri k’uttijonik chi ke ri winaqib’ e tz’apil pache’ ri’ rech kek’oji pa le K’ak’ Ub’anob’al ri Gestión Penitenciaria, jacha chi rij q’atenik k’ax rech achk’ulaj, ri b’anoj ch’ijom k’ax chak chi ke winaqib’ xuquje’ rech b’anoj ya’olchajinem ri’.

Pa le riqb’al ib’ ri’ xb’an xjuch’ uwach ri wujilal rech convenio interinstitucional kumal ri K’amal B’e rech ri Japache’ Tz’apib’al, Joaquín Flores xuquje’ rumal ri Relator Presidente rech ri Oficina Nacional rech Prevención rech ri Tortura, Lesther Castellanos Rodas ri’, rech ya’el uchuq’ab’ uchak upatan ri Escuela rech Estudios Penitenciarios ri’.