Are la’ uwach ri Cholchakunem rech Controles Internos rech ri Ub’anob’alil ri Transformación Policial ri’, pa le 21 rech septiembre ri’ eri reqa’lenel ri Wokajil Ajchajil Tinamit (PNC) pa komonchak ruk’ ri Fiscalía rech ri Q’atenik ri Corrupcción rech ri Ministerio Público (MP) xkichap k’ut e kajib’ chi reqa’lenel ajchajil tinamit ketajin pa b’ano k’ax ri’.
E are k’ut a Carlos Enrique Ortiz López ri’, a Elder Yovani Orozco Marroquín ri’, a Arnulfo Marroquín Maaz ri’ xuquje’ a Nixon Isaac Barrios Arreaga ri’, ri kab’ixik e are xkitoq’ij 60 mil quetzales che ri jun winaq ri’ rech kakijach loq pa uq’ab’ jun cabezal ri xeleq’ax ri’ pa 19 rech septiembre ri’, pa El Progreso.
Eri achi xkib’an k’ax chi re xopan b’a’ che utojik ri pwaq xtoq’ix che kumal nik’aj e ajchajil tinamit, rumal ri’ xkichomaj k’ut rech xkiriq kib’ pa 21 rech septiembre rech kujach ri pwaq pa kaq’ab’ rech kajach loq le uch’ich’ chi re ri are.
Rumal k’ut k’o ri xuya ub’ixik chi ke ri ajchajil tinamit rumal ri’ xb’antaj kowonem xechapik pa jun k’olib’al ch’ich’, k’o pa Los Encuentros Las Navajas, San José del Golfo, uk’u’x nimatinamit Iximulew.
Ruk’ wa’ ri xb’antaj ri’ eri q’atb’al tzij rech ri wokajil ajchajil tinamit xkik’utu che ketajin pa ya’olchajinem winaqilal, rumal ri’ xikisik’ij rech xkib’ij chi ke ri winaqil e aj iximulew rech chakib’ij b’a loq pa le 110 wene’ pa le 1561 ri’.