Rech b’a’ taqim ub’anik ri chajinem k’utb’e pa nimab’e, rech ya’ik uchuq’ab’ ri chajinem pa taq nimab’e ri’ rech kaya nim uchuq’ab’ ri b’anow chajinem ri’, eri Departamento rech Tránsito (DTP) rech ri Wokajil Ajchajin Tinamit (PNC) rumal ri’ xkijaq le jaluj uwach rachoch rech chajin k’utb’e ri’ pa le 5 calle 0-48 barrio San Antonio, zona 3 rech Palín, Escuintla ri’.
Eri wokaj ajchajin k’utb’e ri’ pa konojel e k’o 34 eqa’lenel ketaq pa chajinem chi la’, kuk’ taq ri e’ajtaqol kech, ri e’are k’ut kek’oji pa le b’anow puqtzukunem pa amaq’el chi la’ xuquje’ rech kechajin pa taq ri nimab’e rech ri jalajoj taq nimab’e rech pa taq tinamit rech pa amaq’ ri’. Eri kopanik chi la’ are rech kakikub’isaj unimaxik ri Taqanem Tzij rech ri ub’anikil ri Tránsito ri’, pa le unimarsaxik ri b’anow puqtzukunem chajinik chi la’ k’ut.
Eri k’ak’ rachoch b’anow chajin k’utb’e ri’ are la’ katob’anik rech pa uya’ik uchuq’ab’ ri chajinem, ri unimaxik, ri uq’atexik pa taq ri nimab’e ri’, xuquje’ rech kab’an utz che ri kano’jixik ri e’ajb’insal ch’ich’ ri’ rech kab’an jikom che ub’anikil kib’inik kiwa’katik ri e’ajb’inal ch’ich’ ri’, rech kab’an jun utzilaj b’anow k’ayinem xuquje’ ri kiq’axenik ri winaqilal pa amaq’ tinamit. Ruk’ ujaqik wari’, ri tinamit Escuintla rech k’oji chi’ jun ukab’ uk’olib’al b’anow chajinem k’utb’e rech ri DT.
Le jaqib’al k’ak’ rachoch chajin k’utb’e ri’ are xnab’ejsaj rib’ che ub’anik rumal ri taqanem rech ri Departamento rech Tránsito rech ri PNC, a Carlos Fuentes, ri sib’alaj xuya nim uq’ijolil upatanil ri k’ak’ rachoch chajin k’utb’e pa nimab’e rech amaq’ tinamit.
Sib’alaj xub’ij che are kataqixik uq’atexik taq ri riqon k’ax kumal taq ri ch’ich’ pa taq nimab’e, ruk’ taq ri b’anow puqtzukunem rech uq’atexik tawin solkopin ib’ pa taq nimab’e, rech kaq’atexik ri b’anow taq k’ax ri’ xuquje’ rech kakub’isax kiq’axenik pa taq ri ch’ich’ ri winaqil.
Pa le b’anowem ri’ are jun xk’oji ri gobernadora departamental, al Vivian Mayorga; ri ajkalte rech tinamit a Byron Rustrián, xuquje’ rajtaqanelab’ ri wokaj chajin tinamit. Eri k’ak’ rachoch chajin k’utb’e ri’ k’o utzilaj taq nimaja xb’an chi upam ri’ rech utz kek’oji wi ri ajchajinelab’ pa le b’anow taq puqtzukunem chajinik xuquje’ rech utz kek’oji che pa ub’anik ri kichak ri e’ajchakunelab’ ri’.
El DT reafirma su compromiso de continuar impulsando acciones orientadas a la prevención de hechos de tránsito, la protección de la vida y fortalecimiento de la cultura vial en beneficio de toda la población guatemalteca.
Eri taqawokjil rech k’utb’e ub’i’ DT sib’alaj kutun uq’ab’ utzij chi rij uterne’xik ri b’anow chajinem uq’atexik ri riqon k’ax kumal le ch’ich’ pa taq nimab’e, pa le b’anik utzil kachajixik ri winaqilal ri’ rech uya’ik uchuq’ab’ ri ch’ob’on chajinem pa taq nimab’e