Eri K’amoj Ub’e ri Wokajil Ajchajil Tinamit (PNC) xkiya utzijol, che pa le nab’e q’ij rech enero pa el 16 rech septiembre rech 2024, kichapom e 567 chi winaqil ri xkib’an kamisanik, rumal ri’ eri comisaría 39 sib’alaj k’o katajin che kichapik, kichapom chik e 40 ri’, e k’o 16 xterne’x kichapik, kuk’ e 39 chik.
Rumal ri’ e k’o xechap pa taq ri tinamit ri’ e 196 xechap pa Iximulew, uterne’m rumal Escuintla, te k’u ’i’ Izabal, Jalapa, Chiquimula, Jutiapa, Quiché xuquje’ Alta Verapaz ri’.
Chi ke ri xechap pa lunes kanoq, are chi’ le reqa’lenel ri Comisaría 11 xkichap loq a Walter Miguel Ángel Gómez, 18 ujunab’, xuquje’ a Kevin Fernandy González, 26 ujunab’, pa le 20 calle 6a avenida zona 1 rech uk’u’x nimatinamit, e are k’ut ri k’ate xkik’aq jun achi ri’.
Xriqitaj k’ut jun k’aqb’al ri’, ri k’o uwuj xriqitajik ruk’ jun tolva ri maj upam. Xuque’ xriq loq jun kejach’ich’ reqam ri placa M-780KBV. Eri nik’aj winaq xechapik xek’am b’i pa q’atb’al tzij ri’.
Pa le 6a calle xuquje’ 63 avenida rech Residenciales del Norte, zona 17, eri reqa’lenel ri Comisaría 12 xkik’am b’i jun q’apoj ab’om 16 ujunab’, pa Q’atb’al Tzij kech Ak’alab’ e Q’apojil Kechomaxik, rumal xukamisaj jun winaq. Xuquje’ k’o jun k’aqb’al xriqitaj ruk’, ruk’ 18 ub’aq’ k’aqb’al rech utz kakojik.
Pa Año 2023
Eri q’atb’al tzij xkiya utzijol ub’ixik che pa le junab’ kanoq e k’o 463 chi winaqil kib’anom kamisanik, kuk’ ri kib’anom kamisan winaq xuquje’ ri e kamisanelab’ ri’.
Eri puqchajinem kumal ajchajil tinamit are la’ rech sib’alaj keto’ik ri winaqilal ruk’ taq ri kijastaq ri’.